Connect with us

Ganacsiga

6 Fikrado ganacsiga yar-yar ee qofkasta oo doonaya inuu bilaabo ganacsi

Waa lix fikrado ganacsiga yar-yar ee qofkasta oo doonaya inuu bilaabo ganacsi. Dhammaan fikradahaan ayaa lagayabaa inaad wakhti horeba aad aragtay fursadahan.

Published

on


In kasta oo kala duwanaanshaha u dhexeeya waddammada uu yahay mid xiiso leh, hadana sababaha keena in dad badan ay ganacsi bilaabaan ayaa ah, waxay rabaan inay lacag sameeyaan. Dabcan, lacagta ma’ahan wax walba, sidaa darteed ma aha hantida kaliya dhiirrigelinta ay leeyihiin ganacsatada.

Dadka qaar waxaa ka guuxaayo fikrado ganacsi, qaarna waxaad u malaynaysaa in loogu talagalay inay noqdaan ganacsato. Laga soo bilaabo marka ay ka soo gudbeen iskuulka, ama laga yaabee xitaa intaas ka hor, waxay u gaajaysan yihiin inay bilaabaan ganacsi oo ay u horseedaan guul la taaban karo.

Dadka kale qaarkiis, bilaabida ganacsi waxay u tahay cabsi, waxay leeyihiin fikrado cabsi xambaarsan. Laakiin haddii aad ka fikireyso inaad noqoto ganacsade, ha iloobin dhammaan faa’iidooyinka ay leedahay inaad ganacsi bilawdo. Haddii aad fiiriso sababaha ugu caansan ee loo abuuro ganacsi waa inaad leedahay fikrad ganacsi oo kuu gaar ah.

Laakiin ganacsi kasta illaahay swc uma qoondaynin inuu guuleysto. Xaqiiqdii, kaliya seddex meelood laba meel ganacsiyada shaqaalaha leh waxay badbaadaan ugu yaraan laba sano, kala barna waxay badbaadaan shan sano. Marka waxaa laga yaabaa inaad kujirto loolan dhab ah oo adag lagaagana baahan yahay inaad la imaado fikrado iyo dedaal xoogan si aad u guulaysato.

Marka hore waa inaad dejisaa qorshe bilow ah illaa iyo guusha dhabta ah halka ay kugu sugayso. Marxaladdaan ayaa badanaa la dejiyaa ganacsiga marka uu bilow yahay, inaad raacdo dhammaan tallaabooyinka lagama maarmaanka ah markaad bilaabeysid ganacsigaaga ayaa aasaas u noqon kara guusha.

Hadaba, diyaar ma u tahay inaad wax ka barato fikradahaan ganacsi ee soo socda?

  1. Khabiir maku tahay dhar tolista?

Dadka had iyo jeer waxay u baahan yihiin dhar cufan oo batamada la hagaajiyey – adigana waxaad noqon kartaa qof dadka u talo nooca dhar ee ay rabaan. Haddii aad jeceshahay tolidda, ku billow inaad siiso addeegyo fudud sida inaad u tasho meelaha dharka ka dilaacay ama jeexjeexmay iyo naqshadeynta markaad dhiseyso saldhig macaamiil iyo dalab.

Shaqadaan haddii aadan aqoon-duruqsan u lahayn waxaa jira machadyo iyo jaamacado bixiyo shahaadooyinka sare ee naqshadeynta iyo qurxinta dharka. Waxaa jira illaa heer darajada labaad ee jaamacada. Waxay ku saleysan yihiin halbeegyada tayada, waxayna u furan yihiin qof kasta oo ganacsi tolida la xiriira. Tusaalle halkaan ayaad ka heli kartaa https://sewingcertification.com/

  1. Horumariye madax banaan

Soo-saarayaasha madaxa banaan ee softiweerada ayaa ah dad iskood u madaxbanaan halkii uu ka ahaan lahaa shaqaale. Badanaa waa lasoo kaxaystaa si ay u gutaan waajibaadkooda xirfadeed. Waxyaabaha ay kaga fiican yihiin shaqaalaha shirkadaha waxay kuu sheegayaan hawsha inta maalmood ay qaadanayso, saacada iyo maalinta ay dhammaan doonto shaqada. Waxay kaloo xoogga saaraan inay macamiilkooda farxad geliyaan si markale loo soo dalbado.

Hawlaha aad qaban karto waxaa kamid ah, laga soo bilaabo dhisida degellada (websayd) ganacsiyada kale ee yar yar ilaa bixinta taageero farsamo ee mashaariicda qaarkood. Horumarinta websayd-yada oo tayo leh ayaa hadda baahi weyn loo qabaa iyada oo la adeegsanayo xirfadaha farsamo ee noocan oo kale ah, hubi inaad ku sharixi karto waxaad qabato iyo sida aad u qaban doonto, kuna diyaari luuqad si fudud loo fahmi karo. Si fiican u gaarsii fariintaada asxaabta iyo qoyskaaga oo aan si fiican u fahmin shaqada aad qabato.

  1. Naqshadeeye sawir gacmeedka

Samee saacado kuu gaar ah, dooro mashaariicdaada, oo dhis boortofoolyo iyo ganacsi aad ku faaneyso. Laga soo bilaabo naqshadeynta websaydka illaa naqshadeynta baloogyada iyo inbadan, shirkado badani waxay raadiyaan naqshadeeyayaal qaab-dhismeed khibrad u leh dhammaan noocyada mashaariicda.

  1. Sidee isku tihiin sida CV-yada loo diyaariyo?

Waa fursad qaali ah haddii aad ku fiican tahay sida loo sameeyo CV-yada (warqada codsiga shaqooyinka). Waxaa jira dad badan oo shaqo raadis ah hadana aanan aqoon fiican u lahayn sida CV-yada iyo warqada codsiga boosaska shaqo aanan aqoonin. Waxaad isbari kartaa asxaabtaada adigoo malab-ismarinaayo oo u sheegaayo inaad hawshaas ku fiican tahay adigoo tusaayo caddeymo kala duwan oo wada qurux badan. Halkaan ka akhriso farqiga u dhaxeeyo warqada codsiga shaqo iyo CV-ga.

  1. Tarjumaan

Haddii aad si fiican u garaneyso wax ka badan hal luuqad oo aad ka turjumi karto hal luuqad, waxaad furan kartaa ganacsi yar oo bixiya adeegyada turjumaan oo kuu noqon kara ganacsi yar oo adiga kugu habboon. Marka hore sii ogaaw waxa aad u baahan tahay inaad ogaato ka hor intaadan go’aansan haddii fikraddan ganacsi ay kugu habboon tahay adiga.

  1. Ganacsiga dukaameysyada internetka

Waa fursad weyn oo suuqgeynta iyo iibinta alaabooyinka. Haddii aad doorato inaad abuurto wax soo saar kuu gaar ah, la shaqee jumladleyda jumlada si aad u hesho agab, ama aad aado dariiqa daadinta, waxaad dhisi kartaa ganacsi guuleysta oo ka baxsan suuqgeynta weyn.

Xilliyadaan waqtiyadu waa is beddeleen. Ganacsiga dukaameeysyada internetka ayaa si xawli ah ugu socda dunidda oo dhan. Waxaana jira fursado badan oo aan wali laga faa’idaysan gaar ahaan qaarada Afrika.

Waxaan rajeyneynaa, maqaalkaan inuu kaa caawiyay inaad halkaan ka heshay fursado ganacsi ee aad u baahneed. Waa iga dedaal iyo in aan ka caajiso in bulshadeyda aan wax usoo gudbin waayo. Akhristaha sharafta leh waxaan kuu rajeynayaa guul waarta, waxaana kaaga tagayaa sidaas iyo nabadgelyo

Facebook Comments Box

Cabdijabaar Sh. Axmed waa qoraa iyo macalin jaamacadeed oo wax ka dhiga Jaamacadda Dowladda iyo Dhaqaalaha (The University of Government and Economics). Waa falanqeeye ka tirsan Diblomaasi.com. Wuxuuna falanqeeyaa siyaasadda arrimaha dibedda, amniga iyo laamaha sirdoonka, diblomaasiyadda, sharciyadda caalamiga. Wuxuu kaloo wax ka qoraa maareynta ganacsiga, dhaqaalaha, falsafada, horumarka bulshada iyo nabadgelyadda. Qoraaga waa qoraa dhawaanahan qoray buuggaag iyo qoraallo kala duwan oo aan dhanka wax tarka kala dhicin.

Advertisement
Click to comment

Leave a Reply

Your email address will not be published. Required fields are marked *

Ganacsiga

Dowladda Qadar oo $10 bilyan siineysa Turkey, ujeeddada waa maxay?

“Wadahadallo ay Qadar taageero ku siineyso Turkiga ayaa gaaray heerkii ugu dambeeyey. Ugu yaraan waxaa noo muuqda $8 bilyan, balse waxay gaari kartaa 410 bilyan,” ayuu yiri sarkaal la hadlay Reuters oo codsaday inaan la magacaabin, sababo la xiriira inaan loo ogoleyn inuu arrintaan ka hadlo.

Published

on


Turkiga iyo Qadar ayaa ku guda jira marxaladdii ugu dambeysay wadahadallo ay Dooxa ku siineyso Ankara lacag gaaraysa $10 bilyan oo maalgelin ah, oo ay ku jirto $3 bilyan oo la siinayo kahor dhammaadka sanadka, waxaa sidaas Reuters u sheegay saraakiil Turkish ah.

Maalgelintan dibadeed ayaa gacan ka gaysan karta xoojinta keydka lacagta qalaad ee Turkiga, ayada oo madaxweyne Erdogan uu wado siyaasadeed aan caadi aheyn oo lagu dhimayo dulsaarka, inkasta oo sicir-barar xooggan uu dalka ka jiro, islamarkaana qiimaha lacagta Lira ay hoos usii dhaceyso.

Wasaaradda maaliyadda Turkiga ayaan weli ka hadal maalgelinta Qadar. Sidoo kale mas’uuliyiinta Dooxa ayaan ka jawaabin codsi jawaab oo loo diray. Ayada oo dalalka Reer Galbeedka ay ka cago jiidayaan maalgashiga Turkiga, Ankara ayaa u weecatay dalalka “saaxiibka” la ah, si ay u xoojiso siyaasadda lagu taageerayo lacagta lira ah, laguna dheelitirayo dhaqaalaha.

Bankiga Dhexe ee Turkiga ayaa horey Qadar ula saxiixday heshiis lacag is-dhaafsi, oo markii hore ahaa $5 bilyan balse sanadkii 2020 gaaray $15 bilyan.

“Wadahadallo ay Qadar taageero ku siineyso Turkiga ayaa gaaray heerkii ugu dambeeyey. Ugu yaraan waxaa noo muuqda $8 bilyan, balse waxay gaari kartaa 410 bilyan,” ayuu yiri sarkaal la hadlay Reuters oo codsaday inaan la magacaabin, sababo la xiriira inaan loo ogoleyn inuu arrintan ka hadlo.

Qadar ayaa xiriir xooggan la leh Turkey, oo taageertay Dooxa markii Sacuudi Carabiya, Imaaraadka Carabta iyo dalalka kale oo Carbeed ay go’doomiyeen 2017. Erdogan ayaa ku sugnaa furitaanka Koobka Kubadda Cagta Adduunka ee Qadar, ayada oo uu wehliyey wasiirka maaliyadda Nureddin Nebati.

Xariirka Turkiga iyo Qadar

Dawladda Qadar iyo Jamhuuriyadda Turkiga waxay aasaaseen xidhiidh laba geesood ah sannadkii 1972-kii. Waxaa jiray wada-shaqeyn iyo wada-hadallo ku saabsan arrimaha gobolka iyo kuwa caalamiga ah tan iyo 2010-meeyadii, gaar ahaan dagaalka sokeeye ee Suuriya iyo xiisadda Masar.

Labada waddanba waxay sidoo kale taageeraan koox isku mid ah oo ka jira Liibiya Qadaafi ka dib. Dhowaanahanba, Turkigu waxa uu taageero diblomaasiyadeed iyo cunno siinayay Qadar intii lagu jiray xiisaddii diblomaasiyadeed ee Qatar 2017.

Dadka falanqeeya siyaasadda ayaa ku andacoonaya in xiriirka labada dal uu inta badan ku kooban yahay xiriirka siyaasadeed iyo midka milateri, iyaga oo tixraacaya ganacsiga oo hooseeya, heshiisyo ganacsi oo aan jirin iyo maqnaanshaha xarumaha cilmi-baarista Turkiga ee Qadar.

Qadar iyo Turkiga waxaa ka dhaxeeya xiriir ciidan oo xooggan. Dhowr heshiis oo iskaashi ciidan ayaa labada dhinac kala saxiixdeen, waxaana Turkiga uu qalab milateri u dhoofiyaa Qadar. Tusaale ahaan, Turkigu waxa uu Qadar ka iibiyay diyaaradihii ugu horreeyay abid bishii Maarso 2012, iyo Abriil 2017, shirkadda baabuurta Turkiga ee BMC waxay la saxiixatay heshiis ay Qadar ku siinayso 1,500 Amazon 4×4 baabuurta gaashaaman.

Turkigu wuxuu saldhig milatari ku leeyahay Qadar, iyo bishii Juun 2017, baarlamaanka Turkiga ayaa si degdeg ah ula socday in ciidamo Turkiga ah la geeyo Qadar. Turkiga ayaa qorsheynaya inuu ugu dambeyntii saldhigyo 3,000 oo askari ah dhulka Qadar geeyo.

Xidhiidhka ganacsi ee u dhexeeya labada dal ayaa sannadihii u dambeeyay ka muuqday horumarro xawli ah. Qadar waxay heshiisyo la saxiixatay Turkiga si ay u dhoofiso LNG, halka dhowr shirkadood oo dhismo oo Turki ah ay heshiisyo la galeen dowladda Qadar, kuwaas oo intooda badan ay ku lug leeyihiin mashaariicda FIFA ee 2022.

Bishii Sebtembar 2017, khad ganacsi oo cusub oo u dhexeeya Qatar iyo Turkiga oo la sii marinayo Iiraan ayaa lagu dhawaaqay, [xigasho] isla markaasna adeegga maraakiibta ee u dhexeeya Dekedda Mersin ee Turkiga iyo Dekedda Hamad ee Qadar ayaa sidoo kale la bilaabay.

Facebook Comments Box

Continue Reading

Ganacsiga

G7 malahan awood ku filan oo ay ku go’aamiso qiimaha saliida Ruushka – Bangiga Adduunka

“Qiimaha saliidda ee G7 ee la soo jeediyay waxay saameyn kartaa qulqulka saliidda ee Ruushka, laakiin waa hab aan la tijaabin oo u baahan doona ka qaybgalka suuqyada waaweyn ee soo koraya iyo dhaqaalaha soo koraya si loo gaaro ujeeddooyinkeeda,” ayaa lagu yiri warbixinta.

Published

on


Marka loo eego aragtida Bangiga Adduunka, qaybta saliidda iyo gaaska ayaa door muhiim ah ka ciyaarta habka guud ee isbeddelka Ruushka. Baanka Adduunka, oo ay weheliyaan Sanduuqa Lacagta Adduunka (IMF) iyo Bangiga Yurub ee dib u dhiska iyo horumarinta (EBRD), ayaa ku cadaadiya Ruushka inuu kordhiyo wax soo saarka saliidda cayriin ee balaayiinka doolar.

Qorshaha ay soo jeediyeen kooxda todobada ah (G7) ee ah in lagu soo rogo xaddidaadda qiimaha ugu badan ee iibka saliida Ruushka ayaa shaqayn kara oo kaliya haddii suuqyada waaweyn ee soo koraya iyo wadamada soo koraya ay ku biiraan qorshahan, ayuu yidhi Baanka Adduunka.

Saadaasha suuqa saliida, ee la soo saaray Arbacadii, bangiga adduunka wuxuu muujiyay khataraha la xidhiidha. Waxay qortay in khataraha kor u kaca ay ku badan yihiin arrimaha sahayda, oo ay ku jiraan ilaa xadka dhoofinta Ruushka ay saameeyaan tillaabooyinka cusub ee ganacsiga.

“Qiimaha saliidda ee G7 ee la soo jeediyay waxay saameyn kartaa qulqulka saliidda ee Ruushka, laakiin waa hab aan la tijaabin oo u baahan doona ka qaybgalka suuqyada waaweyn ee soo koraya iyo dhaqaalaha soo koraya si loo gaaro ujeeddooyinkeeda,” ayaa lagu yiri warbixinta.

Waxay intaa ku dartay in iyada oo carqaladeyn weyn ku ah dhoofinta Ruushka ay dhici karto muddada gaaban maadaama waddooyinka ganacsiga ay carqaladeynayaan, “kaqeybgalayaasha suuqyada ayaa laga yaabaa inay helaan habab ay uga gudbaan cunaqabateynta, sida marar badan ku dhacday marxalado kale oo cunaqabateyn ah.”

Kooxda todobada ah ee dhaqaalaha hogaaminaya – Mareykanka, Kanada, Faransiis, Jarmany, Talyaaniga, Ingiriiska, iyo Jabban – waxay ku heshiiyeen bishii hore inay dhaqan galiyaan saqafka qiimaha saliida Ruushka si ay u xakameeyaan dakhliga dalka ee dhoofinta tamarta. Xadka qiimaha weli lama go’aamin.

Sida uu qorshuhu yahay shirkadaha bangiyada, ceymiska iyo maraakiibta waxaa laga mamnuuci doonaa inay adeeg siiyaan shirkadaha Ruushka ee shidaalka ku iibiya qiimo ka sarreeya xadka loo dejiyay. Diisambar 5teeda sidoo kale waxay calaamad u tahay kama dambaysta ah ee Midowga Yurub inuu mamnuuco dhammaan soo dejinta Ruushka ee saliiida cayriinka.

Moscow ayaa sheegtay in aysan saliid u dhoofin doonin wadamada ka qeyb qaadanaya sicir bararka.

Facebook Comments Box

Continue Reading

Ganacsiga

Dowladda Qadar iyo Jarmalka oo kala saxiixday heshiis dhanka tamarta ah

“Iskaashiga tamarta ayaa ka caawin doona Jarmalka inuu kala duwaneeyo sahaydiisa gaaska isagoo ka keenaya gaaska dabiiciga ah ee Qadar, isla markaana waxay siin doontaa muhiimad xagga iskaashiga ah ee goobta hydrogen-ka cagaaran,” ayaa lagu daray bayaanka.

Published

on

Hogaamiyaha Jarmalka Olaf Scholz (M) ayaa ka falceliyay shir jaraa'id oo ay si wadajir ah u qabteen Amiirka Qadar Sheikh Tamim bin Hamad Al Thani (B) Maay 20, 2022 magaalada Baarliin. Sawirka waxaa qaaday JOHN MACDOUGALL/AFP iyada oo loo sii marayo Getty Images.

Dowladda Qadar iyo Jarmalka ayaa jimcihii kala saxiixday heshiis iskaashi dhanka tamarta ah kaas oo diirada lagu saarayo ganacsiga hydrogen iyo gaaska dareeraha ah.

Amiirka Qadar Sheikh Tamim Bin Hamad Al-Thani iyo Wasiirka Dhaqaalaha Jarmalka Robert Habeck ayaa saxiixay ku dhawaaqis ku saabsan xoojinta iskaashiga qotoda dheer inta lagu guda jiro booqashada rasmiga ah ee amiirka ee Baarliin, Wasaaradda Dhaqaalaha Jarmalka ayaa ku dhawaaqday bayaan ay soo saartay waxaana lagu daabacay wakaalada wararka Jarmalka ee DPA.

“Iskaashiga tamarta ayaa ka caawin doona Jarmalka inuu kala duwaneeyo sahaydiisa gaaska isagoo ka keenaya gaaska dabiiciga ah ee Qadar, isla markaana waxay siin doontaa muhiimad xagga iskaashiga ah ee goobta hydrogen-ka cagaaran,” ayaa lagu daray bayaanka.

Iskaashiga Jarmalka iyo Qadar ee dhinaca tamarta ayaa ujeedadiisu tahay in kor loo qaado “isweydaarsiga heerka sare ah” ee u dhexeeya labada dawladood ee ku saabsan arrimaha tamarta, dhisidda buundooyinka u dhexeeya labada dal iyo isu keenista dhinacyada firfircoon ee dadweynaha iyo qaybaha gaarka loo leeyahay.

Warka ka soo baxay wasaaradda Jarmalka ayaa lagu muujiyey in kulamo joogta ah ay yeelan doonaan Wasaaradda Tamarta Qadar iyo Wasaaradda Dhaqaalaha iyo Ilaalinta Cimilada ee Federaalka Jarmalka.

War saxaafadeedka ayaa sidoo kale lagu sheegay in labada dal ay ku heshiiyeen in la sameeyo labo kooxood oo kawada shaqeeyo hawlaha heshiiska. Hal koox ayaa ka welweli doonta xoojinta xiriirka ganacsiga ee goobta gaaska dabiiciga ah ee dareeraha ah iyo hydrogen-ka iyo sameynta gole ku saabsan kaabayaasha iyo arrimaha sharciyeynta.

Kooxda kale ee shaqada waxay diiradda saari doontaa tamarta la cusboonaysiin karo, hufnaanta tamarta iyo maareynta culeyska waxayna ka shaqeyn doonaan horumarinta awoodaha tamarta la cusboonaysiin karo iyo arrimaha la xiriira, sida kaabayaasha iyo suuqyada korontada.

Jimcihii, wargeyska Jarmalka ee Handelsblatt ayaa ka soo xigtay wasiirka arrimaha dibadda Qadar Sheikh Maxammed Bin Cabdulrahman Al-Thani isagoo sheegay in Doxa ay rajaynayso in ay bilowdo dhoofinta gaaska dareeraha ah ee Jarmalka sanadka 2024.

Habeck waxa uu u safray Qadar bishii Maarso ee la soo dhaafay, isaga oo ay weheliyaan masuuliyiin ka socda shirkadda korontada ee Jarmalka ee RWE iyo shirkadda tamarta ee Uniper, si ay wadahadallo ugala soo yeeshaan heshiisyo wakhti dheer ah oo lagu siinayo gaaska dabiiciga ah.

Subaxnimadii Jimcaha, Sheekh Tamim waxa uu gaadhay magaaladda Baarliin, oo ah lugtii saddexaad ee socdaal shaqo oo Yurub ah oo bilaabmay Isniintii hore. Socdaalkiisa ayaa ka bilowday Slovenia kadibna Spain, ka hor inta uusan u dhaqaaqin Jarmalka, waxaana sidoo kale ku jiri doona Britain iyo Faransiiska.

Facebook Comments Box

Continue Reading

Ganacsiga

Warshadaha hubka difaaca ee Turkiga ayaa wada sidii ay u soo jiidan lahayeen maalgashiga Imaaraadka iyo kuwa kale

Turkiga iyo Imaaraadka Carabta ayaa wadaaga xiriir dhaqameed, ciidan iyo dhaqaale oo ballaaran, laakiin xiriirkooda ayaa aad u sii xumaanayay sannadihii u dambeeyay, laakiin hadda xaalka waa isbedelay.

Published

on


Warshadaha difaaca ee Turkiga ayaa lagu wadaa in ay noqdaan qeybtii ugu horeysay ee maalgashi ka imaanaysa Isutagga Imaaraadka Carabta (IIC), taas oo qayb ka ah maalgelinta la filayo $10 bilyan oo dhowr qaybood ah.

Marka laga soo tago qaybtan gaarka ah, dalka khaliijku waxa uu sidoo kale qorsheynayaa in uu maal-gashi ku sameeyo Turkiga dhinacyada beeraha, tamarta, cuntada iyo macluumaadka.

Go’aanka maalgashiga ayaa yimid ka dib booqasho rasmi ah oo uu madaxweyne Recep Tayyip Erdoğan ku tagay dalkaas oo qaadatay labo maalmood, isagoo sidoo kale la kulmay madaxda ganacsiga Imaaraadka.

Nail Olpak, oo ah guddoomiyaha guddiga xiriirka dhaqaalaha dibadda (DEIK), oo ka faallooda arrimaha ku saabsan booqashadii dhoweyd ayaa sheegay in hannaan cusub oo xooggan uu billaabay in uu ku furmo xiriirka dhaqaale ee Imaaraadka.

“Hamigooda ku aaddan maalgashiga Turkiga waa mid aad u sarreeya,” ayuu yidhi.

Olpak oo sharaxaya in sida ugu dhaqsiyaha badan ay u bilaabi doonaan kulamo ay la qaadanayaan xiriirada rugaha ganacsiga iyo warshadaha ee Istanbul iyo Imaaraadka, “Ugu horeyn waxa ay noo sheegeen in aan hayno qandaraasyo aad u xoogan oo ay doonayaan in ay ka faa’ideystaan. tan.”

“Shirkadaha gaarka loo leeyahay ee Imaaraadku waxa ay danaynayaan in ay Turkiga ka qayb-galiyaan goobo maalgashi oo gaar ah, tani waxa ay noqon kartaa meel eber ah, ama qaab iskaashi oo ay la yeeshaan kuwa hadda jira, waxa aanu aragnay in danahooda tamarta, macluumaadka, cuntada iyo beeraha ay soo shaac baxeen. ayuu yidhi.

Madaxa Golaha Ganacsiga ee DEIK Turkey-UAE Tevfik Öz, ayaa dhanka kale tilmaamay qaybaha ay ka mid yihiin tamarta, hantida ma guurtada ah, beeraha, cuntada iyo caafimaadka meelaha suurtogalka ah ee iskaashiga, iyadoo warshadaha difaaca ay hogaaminayaan.

“Sanadkan, waxaan arki karnaa maal-gashiga isu keenaya aqoonta shirkadaha Turkiga iyo awooddooda dhaqaale, gaar ahaan warshadaha difaaca ayaa ah qaybta ugu dhow ee iskaashiga. Geedi socodka oo dhan wuxuu ku socdaa caqli-gal guul ah,” Öz ayaa ku nuux-nuuxsaday.

Waaxda difaaca ee Turkiga ayaa heshay dardar aad u weyn sannadihii la soo dhaafay, taas oo awood u siisay waddanku kaliya ma isticmaalo wax soo saarka gudaha laakiin inuu u dhoofiyo adduunka oo dhan.

Turkigu waxa uu hadda u dhoofiyaa warshadaha difaaca 170 waddan, halka tirada badeecadaha la dhoofiyo, oo ay ku jiraan UAVs, UAVs hubaysan, baabuurta dhulka iyo meelaha badda, ay gaadheen 228, sidaa waxa Daily Sabah u sheegay Ismaaciil Demir oo ah Guddoomiyaha Warshadaha Difaaca (SSB) dabayaaqadii January. , isagoo ku celceliyay in UAV-yada hubaysan ee Turkiga ay dhawaanahan si weyn u soo jiidatay indhaha caalamka.

Diyaaradaha aan duuliyaha lahayn ee Turkiga, gaar ahaan, ayaa caan ka noqday tan iyo markii qalabkan la geeyay Suuriya, Liibiya iyo Asarbayjaan intii lagu jiray iskahorimaadyo si weyn looga hadlay adduunka oo dhan.

Ankara waxa ay rajaynaysaa in ay u adeegsato guulahaas dadaalkeeda si ay u noqoto dhoofiyaha ugu horreeya ee UAVs.

Turkiga iyo Imaaraadka Carabta ayaa kala saxiixday 13 heshiis iskaashi oo dhinacyo kala duwan ah, intii lagu guda jiray booqashadii Erdogan ee dalka Khaliijka iyada oo la raacayo hannaanka caadiga ah ee ka dhexeeya labada quwadood ee gobolka.

Booqashada Erdoğan ee Imaaraadka ayaa ahayd tii ugu horreysay muddo toban sano ah iyadoo labada dal ay hagaajinayaan xiriirka xumaaday sanado badan oo cadaawad ah taasoo udub dhexaad u ah iskaashi dhaqaale.

Facebook Comments Box

Continue Reading

Ganacsiga

Xoghayaha Maaliyada ee dowladda Mareykanka Janet Yellen, oo ku baaqeysa in la yareeyo ugu yaraan canshuurta dakhliga shirkadaha adduunka

Published

on


Xoghayaha Maaliyada Janet Yellen ayaa Isniintii ku boorisay in la qaato ugu yaraan canshuuraha dakhliga shirkadaha adduunka, dadaal lagu doonayo in lagu dheellitiro waxyeellooyin kasta oo ka dhalan kara kordhinta maamulka Biden ee Mareykanka.

“soddon sano oo tartan ah xagga hoose” taas oo waddamadu ay yareeyeen qiimaha canshuurta shirkadaha si ay u soo jiitaan ganacsiyada caalamiga ah, Yellen waxay sheegtay in maamulka Biden uu la shaqeyn doono dhaqaalaha kale ee horumarsan.

“Tartanku wuxuu ku saabsan yahay in ka badan sida shirkadaha xarumtooda tahay  Mareykanka ay uga soo horjeedaan shirkadaha kale ee ku biirista adduunka iyo dalabyada iibsiga,” Yellen ayaa ku tiri khudbad dalwaddii ay u jeedisay Golaha Chicago ee Arrimaha Caalamiga ah.  “Waxay ku saabsan tahay hubinta in dawladuhu ay yeeshaan nidaamyo canshuura oo deggan si loo ururiya dakhli ku filan oo lagu maalgeliyo alaabada muhiimka ah ee dadweynaha.

Khudbadda ayaa ahayd tii ugu sarraysay ee Yellen illaa hadda laga gaadho arrimaha caalamiga ah, waxayna ku soo beegantay iyadoo shirarkii guga ee Bangiga Adduunka iyo Hay’adda Lacagta Adduunka ee IMF ay ku bilaabmeen qaab muuqaal ah.

Madaxweyne Joe Biden ayaa soo jeediyay in la raaco sicirka canshuurta shirkadaha ilaa 28% laga bilaabo 21%, taasoo qeyb ahaan ka fureysa jarista maamulka Trump oo laga jaray 35% sharcigeeda canshuurta 2017.  Biden wuxuu kaloo doonayaa inuu dejiyo ugu yaraan Canshuuraha dakhliga shirkadaha dibadda, iyo inay ku adkaato shirkadaha inay beddelaan dakhliga ka soo gala badda.  Kordhinta ayaa gacan ka geysan doonta bixinta kharashka hanka $ 2.3 trillion kaabayaasha dhaqaalaha ee Aqalka Cad.

Biden wuxuu sheegay inuusan “haba yaraatee” ka walaacsaneyn in sicirka canshuurta shirkadaha ee sar sare ay sababi doonto qaar ka mid ah Mareykanka  shirkadaha inay u guuraan dibedda, in kasta oo Yellen ay soo bandhigtay canshuurta ugu yar ee shirkadaha caalamiga ah loogu talagalay in looga hortago in taasi dhacdo.

Sida laga soo xigtay Hay’adda cashuuraha, dhimista cashuurta shirkadaha ee maamulka Trump waxay hoos u dhigtay   heerka ugu sareeya 37-da dhaqaale ee horumarsan ee Ururka Iskaashiga Dhaqaalaha iyo Horumarka illaa 13aad ee ugu sarreeya.  Falanqeeyayaal badan ayaa ku dooday, si kastaba ha noqotee, in yar oo ah, shirkadaha caalamiga ah ayaa bixiyay canshuurta oo dhan.

Yellen, dhanka kale, waxay hoos u dhigtay suurtagalnimada ajendaha gudaha ee maamulka Biden, oo waliba ay ku jiraan $ 1.9 trillion xirmo gargaar COVID oo la ansixiyay bishii hore, si loo kiciyo sicir bararka sare.  Xoghayihii hore ee Maaliyada Larry Summers, iyo kuwa kale, ayaa walaac ka muujiyay tan iyo markii sharciga maareynta la ansixiyay.

“Waxaan si xoogan uga shakisanahay inay sababi doonto cadaadis sicir barar,” ayay tiri Yellen, iyadoo tixraaceysa soo jeedinta kaabayaasha maamulka.  “Dhibaatada muddo aad u dheer waxay ahayd sicir barar aad u hooseeya.”

Yellen ayaa sidoo kale xustay in dalal badan oo soo koraya ay ku dambeeyaan talaalka dadkooda, sidoo kalena ay la kulmeen cawaaqib xumo dhaqaale oo ka dhalatey aafada.  Ilaa 150 milyan oo qof oo adduunka ah ayaa sanadkaan ku dhici doona saboolnimo daran, ayay tiri Yellen.

“Natiijadu waxay u egtahay inay noqon doonto dhibaato qoto dheer ee waarta, oo leh dhibaatooyinka sii kordhaya ee deynta, saboolnimada sii xidideysan, iyo sinaan la’aanta sii kordheysa,” ayay tiri Yellen.

Maamulka Biden wuxuu taageerayaa abuuritaanka $ 650 bilyan oo awood amaah ah oo cusub IMF si wax looga qabto arrimaha noocaas ah, ayay tiri.  In badan oo ka mid ah Jamhuuriyiinta Koongareesku waxay ka soo horjeedaan qaybinta cusub, iyagoo ku doodaya in inta badan maalgelinta ay u wareegi doonto dalalka soo koraya ee sida wanaagsan.

Facebook Comments Box

Continue Reading

Ganacsiga

Bangiga dhexe ee Soomaaliya oo markii ugu horraysay bixiyey Ruqsadda Adeegga Lacagaha Taleefanka

Published

on


Munaasabad si heer sare ah loo soo agaasimay ayna kana soo qayb galeen qaar ka mid ah wasiirada xukuumadda Soomaaliya, ganacsato iyo qaybaha kala duwan ee bulshada ayaa maanta si rasmi ah Bankiga Dhexe ee Soomaaliya wuxuu ku gudoonsiiyay shirkadda Hormuud Telecom Liisanka adeegga EVC Plus kaddib markii ay shirkaddu soo buuxisay shuruudihii looga baahnaa.

Guddoomiyaha Bankiga Dhexe ee Soomaaliya Cabdiraxmaan Maxamed Cabdullaahi, ayaa madasha ka sheegay in shirkadda Hormuud ay tahay shirkaddii ugu horraysay ee hesha aqoonsigaan caalamiga ah ee hannaanka maaliyadeed ee dalka.

Ruqsada EVC

“Maanta waxaanu isugu nimid shahaadada aqoonsiga ee uu bixiyo Bankiga dhexe ee Soomaaliya in aan guddoonsiino shirkadda Hormuud gaar ahaan adeegga EVC Plus-ka, adeeggaan ayaa ah maanta laga billaabo mid la isku halayn karo, maadaama uu maray dhammaan shuruudihii caalamiga ahaa ee Bangiga dhexe soo saaray, waana adeeg maaliyadeed oo la isku hallayn karo, inkastoo markiisi horeba ahaa adeeg la isku hallayn karo oo dadka soomaaliyeedba isticmaali jireen” ayuu yiri Guddoomiyaha bankiga dhexe ee Soomaaliya Cabdiraxmaan Maxamed cabdullaahi.

Sidoo kale wasiirka maaliyadda ee xukuumadda Soomaaliya Cabdiraxmaan Ducaale Bayle, oo ka hadlay madasha ayaa sidoo kale ku ammaanay shirkadda Hormuud hannaanka buuxinta shuruucda caalamiga ah ee adeeggan maaliyadeed gaar ahaan adeegga EVC Plus oo xil-wayn iska saareen in dadka Soomaaliyeed si bilaash ah ku isticmaalaan.

Ugu dambayn waxaa madasha xafladda soo gaba-gabeeyey guddoomiyaha shirkadda Hormuud Axmed Maxmuud Yuusuf, oo sheegay in shirkadda Hormuud ay u hoggaansan tahay shuruucda iyo nidaamyada u yaalla dowladda, isagoona sheegay in uu aad ugu mahad celinayo Bankiga dhexe ee Soomaaliya oo maanta guddoonsiiyey shahaadada aqoonsiga ee adeegga maaliyadeed, kaas oo noqonaya mid la jaan qaada midka ay isticmaalaan dowladaha caalamka.

Bangiga dhexe ee Soomaaliya,

Shaqooyinka bankiga waxaa ugu horeeysa maamulka iyo iskudheelitirka dhaqaallaha wadanka, xisaabinta miisaaniyada dowlada, ilaalinta qiimaha lacagta wadanka iyo nidaaminta koboca dhaqaalaha wadanka. Intaas waxaa u dheer, maamulka iyo dejinta siyaasada dhaqaalaha iyo maalgeshiga dowlada.

Wasaaradda Maaliyadda Soomaaliya waa wasaarada gacanta ku haysa isla markaana maamusha dhaqaalaha dowlada, canshuuraha, iyo kharashka wadanka Soomaaliya. Intaas waxaa dheer, wasaaradani waxay masuul ka tahay habaynta, dejinta iyo diyaarinta siyaasada dhaqaalaha iyo maamulka miisaaniyada dowlada fedraalka ah.

Sanad kasta bisha Oktoober, Wasaarada waxay hortimaadaa Gollaha Baarlamaanka si ay u sharaxdo miisaaniyada sanadle ee dowlada federaalka. Guud ahaan, Wasaaradda Maaliyada Soomaaliya waxay hoostegtaa Wasiirka Maaliyada; Bankiga Dhexe ee Soomaaliya waa bankiga dhexe ee dowlada wadanka Soomaaliya.


 

Facebook Comments Box

Continue Reading

Xul