Connect with us

Wararka

Madaxeynaha Soomaaliya Xasan Sheekh Maxamuud oo booqasho rasmi ah ku tagay dalka Djibouti

Soomaaaliya iyo Djibouti oo ah laba dal uu ka dhaxeeyo xiriir soo jireen ah ayaa sannadihii ugu danbeeyay soo kala dhex galay mad madow siyaasadeed, booqashada madaxweynaha ayaa qeybka ah sidii loo wanaajin lahaa xiriirka labada dal meeshana looga saari lahaa madmawoga siyaasadeed.

Published

on

Madaxweynayaasha Soomaaliya iyo Djibouti (bidix) Xasan Sheekh (midig) Ismaaciil Cumar Geele

Madaxweynaha Soomaaliya Xasan Sheekh Maxamuud ayaa booqasho rasmi ah ku tagay dalka Djibouti kaasoo ahaa safarkii ugu horeeyay uu qasdiyo madaxweynaha, ka dib safaro  uu ku tagaayay dalalka geeska.

Safarka madaxeynaha Soomaaliya ayaa kusoo beegmaayo xilli uu socdaal ku maraayay wadamada geeska ayaa safar ku tagay dalka Djibouti, madaxweynaha ayaa halkaas kusoo dhaweeyay dhigiisa Ismaaciil Cumar Geele iyo masuuliyiin sar sare oo ka tirsan Jamhuuriyada Djibouti.

Ka dib soo dhaweyn diiran loo sameeyay madaxweynaha ayaa waxaa meesha lagu tumay muusiga astaanta labada ayadoo markii ugu horeysay lagu bilaabey astaanta Qaranka Soomaaliya, kulanka madaxweynaha ayaad moodaa in horey loo sii qorsheeyay balse labbada wadan ayaa ka dhaxeeyo xiriir walaaltinimo soo jireen ah.

Soomaaaliya iyo Djibouti oo ah laba dal uu ka dhaxeeyo xiriir soo jireen ah ayaa sannadihii ugu danbeeyay soo kala dhex galay mad madow siyaasadeed, booqashada madaxweynaha ayaa qeybka ah sidii loo wanaajin lahaa xiriirka labada dal meeshana looga saari lahaa madmawoga siyaasadeed.

Wasiirkii hore ee Arimaha Dibada Soomaaliya Axmed Ciise Cawad oo wareysi uu siiyay Bbc-da kaga warbixiyay xiriirka labada dal iyo waxa uu kuso kordhinaayo: “ socdaalka madaxweynaha soomaaliya waa mid muhiim ah sidaad wada ogtihiin ummmada Soomaaliyeed wada ogtahay hadduu jiro dal xiriirkiisu uu dheer yahay waa Djibouti, hadduu dal xiriirkiisa wanaagsan yahay waa Djibouti oo walaalnimo iyo derisnimo inaga dhaxeyso waa dal ina garab taagnaa intii ay dagaalada ku jirnay aan dowladnimadii dib usoo dhisaneynay, midnimada hadda inoo jirta waxaa lagu aas aasay Djibouti waa dal abaal weyn aan u heyno, ayaga naftooda gacan aan ka geysanay xuriyadoodii markii aynu nabada heysnay waa dal aan kala maarmin runtii”.

Dalalka Soomaaliyo iyo Djibouti ayaa sannaddiihi danbe soo dhex galay mad madow siyaasadeed balse wasriirka oo ka warbixinaayo ayaa yirri: “ sidaad wada ogtihiin Soomaaliya iyo Djibouti ma ahan labo dal oo mad madow gali kara siyaasadooda, balse waxaa jirtay khilaaf u dhaxeeyay Djibouti iyo Eretariya ay isku soo dhawaayeen xukuumadii hore aan ka tirsanaa in xoggaa ay xurguf kala dhaxeysay labadaasi dal ayaa keentay in ay xooggaa ay caro dareemaan taasina ma han mid waxyeeli karta xiriirka Soomaaliya iyo Djibouti, waa laba dal oo walaalo ah, haddana waa muhiim madaxweynaha socdaaladiisa ugu horeeyay uu ku tagay Djibouti haddii ay jirto wax tabasho ahna waxaan rajeynaa booqashada madaxweynaha in maanta meesha ka saarto, dalalka xiriirka gaarka ah lahi wey ka tashdaan arimaha qaarkood maxaa yeelay Djibouti waxey dareemeysaa ama dhab ah in la heysto qeebo ka mid ah dhullkeeda dalka Eritariya, iney dad maxaabiis Djiboutiyaan ah heyso colaado kala dhaxeysna ay wali taagan tahay  ayaa inaga oo ah dalka aynu Djibouti walaalo nahay ayaa xiriir la sameynay dalka Eritariya intaasi xooggaa aan sii weyneen iney tabanaayaan oo Djiboutiyaanka uu ka xishoodeen iney toos u sheegaan laakiin suurta gal tahay iney dareemayaan, laakiin waxba uma dhimmin xiriirika Soomaaliya iyo Djibouti  waa mid ka qoto dheer in wax yar la isku gafsadayna lagu kala xumaado ma ahan”, ayuu yirri Axmed Ciise Cawad oo horey usoo noqday wasiirka arimaha dibada Soomaaliya.

Marka la eego xiriirka labada dal ayaa iska kaashan kara waxyaabo badan taasoo hormuud u noqon doono geedi socodka siyaasada Soomaaliya: “ waa dal aan kawada tirsan tahay urur goboleedka IGAD, sido kale waxaan  kawada tirsanahay ururka Carabta  waa dal sida aan kuu sheegay gacan weyn ka gestay dib u aas aasida Qaranimada Soomaaliya, waa dal ay ciidamo ka joogaan Soomaaliya kuwaasoo kala dagaalama kooxaha Al-shabaab qaar kamid ah askartooda ay naftooda u hureen waa dal inaga dhaxeeya dhiig iyo wax tar waana dalka noogu dhow wadamada aduunka”, hadalkaasi wuxuu u danbeeyay warbixintii booqashada madaxweyanaha Soomaaliya Xasan Sheekh uu ku joogo dalka Djibouti.

Safarka madaxweynaha Soomaaliya ayaa lagu sheegay inuu ahaa safarkii ugu horeey uu qasdiyo marka laga reebo dalal uu casuumaad ka helay sida Turkiga, Imaaraadka iyo dalka Eritariya uu u tagay inuu booqdo in ka badan 5kun oo dhalin yaro ah taasina uu u arkey iney masuuliyad weyn ay ka saaran tahay.

Facebook Comments Box

Maxamed Mukhtaar waa wariye wax ka qora siyaasadda Soomaaliya, falanqeynta siyaasadda Villa Somalia iyo caalamka intiisa kale. Sidoo kale wuxuu wax ka qoraa arrimaha bulshada, horumarinta nolosha, iyo amniga. Wuxuu shahaadada koowaad ee jamaacadeed ku qaatay cilmiga kombuutarka.

Advertisement
Click to comment

Leave a Reply

Your email address will not be published. Required fields are marked *

Wararka

Joe Biden oo ka haray tartanka madaxtinimada Mareykanka

Joe Biden oo ka haray tartanka madaxtinimada Mareykanka, balse wuxuu taageero u mujiiyay Kamala Harris inay tahay beddelkiisa.

Published

on


Madaxweynaha Mareykanka Joe Biden ayaa ku dhawaaqay inuusan mar labaad isku soo sharaxi doonin xilka madaxtinimada Mareykanka. Wuxuu daaha ka qaaday go’aankiisa uu kaga haray tartanka warqad furan oo uu soo dhigay X (oo hore u ahaan jirtay Twitter) Axadii, isagoo ballan qaaday inuu jeedin doono cinwaan gaar ah oo ku saabsan arrintan dabayaaqada toddobaadkan.

Warqadaasi ayuu Joe Biden ku diiday rajo kasta oo laga qabo in uu xilka ka tago goor hore, isaga oo sheegay in uu xafiiska sii joogi doono ilaa inta uu ka dhamaanayo xilkiisa.

“Waxay ii ahayd sharaftii ugu waynayd ee nolosheyda inaan u adeego shacabka. In kasta oo ay ahayd ujeeddaydu in dib la ii doorto, waxaan aaminsanahay inay danta ugu jirto xisbigayga iyo dalkaba in aan xilka iska casilo oo aan diiradda saaro oo keliya gudashada waajibaadkayga madaxweynenimo inta ka harsan muddada xilkayga,” Biden ayaa qoray.

Joe Biden waxa kale oo uu ammaanay ku xigeenkiisa Kamala Harris, oo in badan lagu xamanayay inay noqon doono musharraxa Xisbiga Dimuqraadiga haddii uu xilka ka tago, isaga oo ku sifeeyay inay tahay “Lamaan aan caadi ahayn dhammaan shaqadeeda”

Wax yar ka dib markii uu ku dhawaaqay ka bixistiisa musharaxnimada, Joe Biden waxa uu taageeray ku xigeenkiisa Kamala Harris inay tahay musharraxa xisbiga Dimuqraadiga ee doorashooyinka soo socda.

Joe Biden ayaa taageero u mujiiyay Kamala Harris inay tahay beddelkiisa

Madaxweynaha Mareykanka ee hadda xilka haya ayaa isaga baxay doorashada 2024-ka kaddib toddobaadyo cadaadis lagu saaray xaaladdiisa maskaxeed iyo mid jireed.

Madaxweynaha Mareykanka Joe Biden ayaa u soo bandhigay “taageero buuxda” madaxweyne ku xigeenka Kamala Harris si loogu doorto musharraxa xisbiga Dimuqraadiga ee doorashooyinka soo socda. Joe Biden wuxuu taageeradiisa kaga dhawaaqay X (oo hore u ahaan jiray Twitter), wax yar ka dib markii uu ku dhawaaqay go’aankiisa inuu ka haro tartanka.

Isagoo ku adkaysanaya inuusan ” aqbali doonin magacaabista” oo uu diiradda saaro dhammaan “tamartiisa” waajibaadkiisa madaxtinimo, Joe Biden wuxuu sheegay in xulashada Kamala Harris yahay “go’aanka ugu fiican” ee uu qaatay.

“Maanta waxaan rabaa inaan taageero buuxda u muujiyo Kamala inay noqoto musharaxa xisbigayaga sanadkan. Dimuqraadiyiinta – waa waqtigii la isu imaan lahaa oo la garaaci lahaa Trump. Aan samayno tan, ”Biden ayaa qoray.

Facebook Comments Box

Continue Reading

Wararka

Iskuul ku dumay Nayjeeriya ayaa ku dhintay 22 qof

Tobaneeyo qof ayaa sidoo kale ku dhaawacmay shilkan, sida uu sheegay afhayeen u hadlay booliiska.

Published

on


22 qof ayaa ku dhimatay 132 kalena waa ay ku dhaawacmeen kadib markii dhismo labo dabaq ah uu ku dumay bartamaha gobolka Plateau ee dalka Nayjeeriya, sida ay sheegeen maamulka deegaanka.

Dhismaha Saint Academy oo ku yaala xaafada Busa Buji ayaa dumay abaaro 07:30 GMT ee jimcihii xili ay ardaydu ku guda jireen imtixaankii shahaadiga ahaa. Saraakiisha ayaa dhacdadan ku sababeeyay “qaabka liita ee dugsiga iyo meesha uu ku yaal meel u dhow jiinka wabiga.”

Lix ka mid ah dadka dhaawacmay ayaa xaaladoodu aad u liidataa, sida uu sheegay Musa Ashoms, oo ah Guddoomiyaha Warfaafinta Nayjeeriya.

“Si loo xaqiijiyo daryeel caafimaad oo degdeg ah, dowladdu waxay fartay isbitaallada inay mudnaanta siiyaan daaweynta iyada oo aan dukumeenti ama lacag bixin,” Ashoms ayaa ku yiri hadal uu soo saaray.

Guddoomiyaha gobolka Plateau, Caleb Mutfwang, ayaa ku tilmaamay dhacdada mid naxdin leh, nasiib darro ah, qalbi jab iyo xaalad murugo leh.

“Waan ka mahadcelineynaa faragelinta waqtiga ku habboon ee kooxda goobidda iyo samatabbixinta, iyo sidoo kale xubnaha dadweynaha, kuwaas oo u soo yaacay dhismaha dugsiga si ay gacan uga geystaan ​​daad-gureynta qaar ka mid ah ardayda iyo shaqaalaha,” Mutfwang ayaa yiri.

Waxa uu faray Hay’adda Maareynta Degdegga ah ee Qaranka (NEMA) iyo Hay’adda Maareynta Degdegga ah ee Gobolka Plateau inay u fidiyaan taageerada lagama maarmaanka ah kuwa badbaaday.

Sannadkii 2021, dhisme ka kooban 21 dabaq oo laga dhisayay xaafadda caasimadda dhaqaalaha ee Nayjeeriya ayaa dumay, taasoo keentay ugu yaraan 45 dhimasho ah.

154 arday ayaa markii hore ku go’doonsanaa burburka dhismaha, balse af hayeenka booliiska Alfred Alabo ayaa markii dambe sheegay in 132 ka mid ah la soo badbaadiyay, isla markaana lagu daweynayo dhaawacyada isbitaallo kala duwan.

Wakaalada wararka ee AP oo soo xiganaysa Alabo ayaa sheegtay in 22 arday la xaqiijiyay in ay dhinteen. Warbixin hore oo ay baahisay warbaahinta Nayjeeriya ayaa lagu sheegay in ugu yaraan 12 qof ay ku dhinteen.

Hay’adda Maareynta Degdegga ah ee Nigeria (NEMA) ayaa qoraal ay soo dhigtay Facebook ku sheegtay in 30 qof ay weli ku jiraan isbitaal. Hawlgalka samatabixinta ayaa la soo afjaray, waxaana la nadiifiyay goobta, sida la sheegay.

Shaqaalaha gurmadka ayaa isku dayay in ay gaaraan dhibanayaasha iyaga oo isticmaalaya mashiino culculus, waxaana sawiro laga soo qaaday goobta ay muujinayaan dad badan oo isugu soo baxay dhismo shub ah oo godad ah iyo burbur badan.

Facebook Comments Box

Continue Reading

Wararka

Pezeshkian ayaa ku guuleystay tartanka madaxtinimada Iiraan

Muuqaallo lagu baahiyay baraha bulshada ayaa muujiyay taageerayaasha Pezeshkian oo waddooyinka ku qoob-ciyaaraha halka qaarkoodna ay yeerinayeen hoonka baabuurta dhowr magaalo oo waddanka ka tirsan.

Published

on

Mascuud Bezeshkiyaan

Mascuud Bezeshkiyaan oo ah qunyar-socod ah aanan magac weyn ku laheyn siyaasadda Iiraan, ayaa ku guuleystay doorashadi ku celiska aheyd ee Jimcihi shalay ka dhacday dalka Iiraan.

Wasaaradda arrimaha gudaha Iiraan ayaa aroornimadi hore ee Sabtidi saakay shaacisay, in Pezeshkian doorashada kaga guuleystay Saciid Jalili oo ah murashax taageero buuxda ka heystay hogaamiyaha ruuxiga ah ee Iiraan.

Madaxweynaha la doortay ayaa helay codad dhan 16.3 milyan, halka Jalili uu keenay 13.5 milyan oo cod. Wasaaradda gudaha Iiraan waxay sheegtay, in guud ahaan ay codadkooda dhiibteen ilaa 30 milyan oo ruux.

Pezeshkian oo ballan qaaday inuu Iiraan u furi doono dunida inteeda kale isla markaana gaarsiin doono shacabka xorriyadda ay in badan ku taamayeen, ayaa ah dhaqtar 69 jir ah oo ku taqasusay qalliinka wadnaha.

Wuxuu sidoo kale horay u ballan qaaday inuu horumarin doono siyaasad dibadeed oo dhab ah, si uu u yareeyo xiisadaha wada-xaajoodyada hadda hakadka ku jira ee quwadaha waaweyn ee khuseeya soo nooleynta heshiiskii nukliyeerka ee 2015.

Muuqaallo lagu baahiyay baraha bulshada ayaa muujiyay taageerayaasha Pezeshkian oo waddooyinka ku qoob-ciyaaraha halka qaarkoodna ay yeerinayeen hoonka baabuurta dhowr magaalo oo waddanka ka tirsan.

Magaalada uu kasoo jeedo ee Urmia ee dhacda waqooyigalbeed ee Iiraan, dadweynaha ayaa qeybinayay macmacaan si ay u muujiyaan farxadda doorasho u muuqato inuu ku guuleystay wiilka degmadooda.

Doorashadan ayaa aheyd mid waqtigeeda laga soo hormariyay, kaddib marki uu shil helikobtar ku geeriyooday madaxweynihi hore ee Iiraan Ibrahim Ra’iisi.

Alireza Salimi oo ah xubin ka tirsan guddoonka sare ee baarlamaanka ayaa warbaahinta dowladda u sheegtay in xafladaha caleema saarka iyo dhaarinta Pezeshkian la qaban doono ka hor dhamaadka qeybta hore ee bisha soo socota ee Iiraan oo ku beegan 5-ta Agoosto.

“Xafladyadani waxay u baahan doonaan hab-maamuusyo, waana in la sameeyaa tillaabooyin iyadoo la tixgelinayo inay jiri doonaan marti shisheeye, sidaas darteed waqti ayaa loo baahan yahay si loo qorsheeyo oo loo jadwaleeyo qaab-dhismeedka,” ayuu u sheegay warbaahinta IRNA.

“Si kastaba ha ahaatee, baarlamaanka wuxuu diyaar u yahay inuu qabto kalfadhi aan caadi ahayn haddii xafladda dhaarinta la qabanayo xilli hore.”

Facebook Comments Box

Continue Reading

Wararka

Ra’iisul wasaaraha cusub ee Ingiriiska oo xilka la wareegay

Hogaamiyaha xisbiga shaqaalaha Keir Starmer ayaa si rasmi ah u noqday madaxa dowlada kadib markii uu la kulmay Boqor Charles III

Published

on

Ra'iisul wasaaraha cusub ee Ingiriiska Keir Starmer

Keir Starmer ayaa si rasmi ah u noqday ra’iisul wasaaraha Ingiriiska ka dib markii xisbigiisa uu si weyn ugu guuleystay doorashadii guud ee todobaadkan, isagoo helay ugu yaraan 412 kursi oo ka mid ah 650-ka kursi ee baarlamaanka.

Ka dib codbixintii ka bixida iyo natiijadii habeen hore ee xalay waxay muujisay guul cad oo uu helay xisbiga shaqaalaha, Starmer waxa uu booqday Buckingham Palace Jimcihii kulan rasmi ah oo uu la yeeshay King Charles III, sida caadadu ahayd ka hor inta aanu raysal wasaaraha cusub la wareegin xafiiska. Intii lagu guda jiray kulankiisa, Boqorku wuxuu si rasmi ah ugu casuumay Starmer inuu soo dhiso dowlad cusub.

Ka dib markii uu ka tagay Buckingham Palace, Starmer wuxuu u dhaqaaqay 10 Downing Street, halkaas oo uu kula hadlay qaranka markii ugu horeysay isagoo ah ra’iisul wasaare.

Waxa uu u mahad celiyay hogaamiyihii ka horeeyay ee Rishi Sunak, isaga oo intaa ku daray in guusha uu gaadhay ee uu ku noqday raysal wasaarihii ugu horeeyay ee Ingiriiska iyo Aasiya ay tahay in aan cidna la dhayalsan.

“Hadda waddankeenu wuxuu si adag ugu codeeyey isbeddel iyo ku soo noqoshada siyaasadda adeegga dadweynaha,” ayuu yidhi Starmer, isaga oo intaa ku daray in uu sii kordhay khilaaf u dhexeeya dadka iyo siyaasiyiinta, kaas oo horseeday “daal ku yimaada wadnaha qaranka.”

Sidaa darteed waxaa loo baahan yahay ficil halkii eray, Starmer wuxuu ku daray, isagoo wacad ku maray in dowladiisu ay muujin doonto in “siyaasadu ay noqon karto xoog wanaag” oo ay u adeegaan dhammaan muwaadiniinta Britishka, haddii ay u codeeyeen xisbigiisa iyo haddii kale.

Si kastaba ha ahaatee, wuxuu qirtay, in “isbeddelka waddan aysan la mid ahayn wareejinta beddelka,” wuxuuna soo jeediyay in hagaajinta dhibaatooyinka UK “ay qaadan doonto wakhti,” laakiin wuxuu ballanqaaday in shaqada si dhakhso ah u bilaabi doonto hirgelinta isbeddelada.

Starmer waxa uu hadalkiisa ku soo xidhay u mahadnaqa taageerayaashiisa oo uu sheegay in dawladiisu ay ka go’an tahay geedi socodka “dib u dhis degan oo dulqaad leh”. Waxa uu ku casuumay muwaadiniinta Ingiriiska inay ku soo biiraan “dawlad adeeggiisa” himilada “cusbooneysiinta qaranka.”

Ra’iisel wasaarihii horre, Rishi Sunak

Ra’iisel wasaarihii horre Rishi Sunak ayaa ku dhawaaqay inuu ka tagayo hogaanka xisbiga Konserfatifka ka dib doorashadii musiibada ahayd ee xisbigiisa ee doorashadii guud ee Khamiista.

Sunak wuxuu ku qoray X (oo hore u ahaan jiray Twitter) Jimcihii, isagoo qoraya: “Tani waa maalin adag, laakiin waxaan ka tagay shaqadan anigoo sharaf u ah inaan noqdo ra’iisul wasaaraha dalka ugu fiican adduunka.

Daqiiqado ka dib markii la dhajiyay fariinta, Sunak wuxuu khudbad ka jeediyay banaanka 10 Downing Street, isagoo cadeeyay inuu sii ahaan doono hogaamiyaha Tory ilaa laga dooranayo bedelkiisa.

Facebook Comments Box

Continue Reading

Wararka

Madaxweynaha Mauritania Maxamed Ould Ghazouani oo mar labaad ku guulaystay xilka

Maxamed Ould Ghazouani ayaa mar kale dib loogu doortay dalka Mauritania, isagoo helay in ka badan 56% codadkii la dhiibtay.

Published

on

Madaxweynaha Mauritania Maxamed Ould Ghazouani oo la hadlay suxufiyiinta ka dib markii uu codkiisa ka dhiibtay goob codbixineed oo ku taal Nouakchott Juun 29, 2024. © Michele Cattani / AFP

Madaxweynaha Mauritania Maxamed Ould Ghazouani ayaa ku guuleystay doorashadii madaxtinimo ee Sabtidii dhacday, guddiga madaxa banaan ee doorashooyinka qaranka ayaa subaxnimadii Isniinta ku dhawaaqay natiijada.

Maxamed Ould Ghazouani ayaa dib loogu doortay in ka badan 56.12% codadkii la dhiibtay, isagoo ka adkaaday lix musharrax oo mucaarad ah, sida lagu sheegay bogga guddiga doorashada.

Biram Dah Abeid oo u ololeeya xuquuqda bini’aadanka ayaa kaalinta labaad ku soo baxay 22.10% codadkii la dhiibtay, halka Hamadi Sidi el-Mokhtar oo ka tirsan xisbiga Islaamiga ah ee Tewassoul uu galay kaalinta saddexaad oo helay 12.76%.

Horaantii Axadii, Abeid wuu diiday natiijada ku meel gaarka ah, isaga oo soo xiganaya eedaymo khaladaad ah oo uu ku tilmaamay “afgambi doorasho.”

“Ma aqbali doono natiijadan ka soo baxa waxa loogu yeero guddiga madaxa banaan ee doorashooyinka. Waxaan u adeegsan doonnaa guddigayada doorashada si aan ugu dhawaaqno natiijada,” ayuu Abeid ku yiri shir jaraa’id.

Ghazouani, oo ahaa taliyihii hore ee ciidamada, ayaa xafiiska la wareegay 2019 ka dib isbadalkii dimuqraadiga ahaa ee ugu horreeyay ee waddan leh taariikh dheer oo afgambi ah iyo maamulo ay taageereen militariga oo soo bilowday 1978-kii.

Kahor doorashadii isbuucii hore, El Mokhtar wuxuu ka digay in xisbigiisa uu diidi doono natiijada haddii wax isdabamarin laga shakiyo. Doorashada 2019-ka, qaar ka mid ah musharixiinta mucaaradka ayaa shaki galiyay in lagu kalsoonaan karo codbixinta, taasoo dhalisay mudaaharaadyo yar yar.

Ghazouani waxa uu ballan qaaday in uu dardargelin doono maalgashiga tamarta iyo macdanta. Waxa kale oo uu qorshaynayaa in la sameeyo hay’ad heer qaran ah oo isku xidha tababarada, shaqo abuurka, waxbarashada iyo maalgelinta ganacsatada yaryar iyo kuwa dhexe si kor loogu qaado shaqo abuurka dhalinyarada. Waxa uu sidoo kale ballan qaaday in uu wax ka qaban doono hanjabaadaha mintidiinta ee ku sii kordhaya qaar ka mid ah dalalka deriska la ah ee Sahel, oo ay ku jirto Mali.

 

Facebook Comments Box

Continue Reading

Xul