Connect with us

Wararka

Maxaadan Ogeyn oo Ka Soo Baxay Shirkii Brussels?

Published

on

Shirkan wuxuu dhici laha bishii Juun, laakinse dib ayaa loo dhigay


Isniintii iyo Talaadadii waxaa magaalada Brussels isugu tegey madaxda Soomaalida (Madaxweynaha iyo madaxweynayaasha maamul goboleedyada) iyo wakiillo ka socday dalalka deeqaha bixiya. Wuxuu daba socday shirar dhowrkii sano ee u dambeeyey ka dhacay magaalooyin kala duwan oo ku yaalla Yurub, sida London, Brussels (shir midkan ka horreeyey) Copenhagen iyo Istanbul.

Waxay ujeedadoodu ahayd in dawladda Soomaaliya lagula xisaabtamo hadba wixii ka hirgala barnaamijyada lagu taageerayo dawladda ee uu dhaqaalaha ku bixiyo midowga Yurub.

Shirka waxaa markii hore lagu tala galay inuu dhaco qaybihii dambe ee bishii Juun, hase yeeshee codsi sida la sheegay ka yimid dhinaca Soomaalida ayaa dib loogu dhigay, ayagoo ujeedada ku sheegay in loo dabaaldegayo maalmaha qarannimada. Dib u dhacaas wuxuu keenay in wasiirro badan oo shirka u meteli lahaa dalalka deeqaha bixiya aysan ka soo qayb galin shirka dhacay 16-17 Luulyo, taa beddelkeedana ay dalal badan soo direen agaasimeyaal iyo safiirro.

Shirka waxaa loogu tala galay in lagu gorfeeyo sidii hore loogu sii socon lahaa ayadoo la eegayo wixii soo qabsoomay. Haddii si kale loo dhigo, deeq bixiyeyaashu waxay doonayeen in ay ogaadaan sida iyo halka ay martay lacagtoodii, iyo in ay ku baxday si waafaqsan barnaamijyadii lagu ballamay shirarkii midkan ka horreeyey.

Soomaalidana waxaa looga fadhiyey inay tafaasiil ka bixiyaan sidii ay uga soo baxeen ballamihii ay qaadeen.

Labadiiba midna ma dhicin sida ay sheegayaan dadkii shirka ka qayb galay ee ka socday bulshada rayidka.

“Dawladda Soomaliya waxaa la soo siiyey su’aalo ay u badan yihiin in aysan wakhtigeeda waxba ku darsan karin, inay arrinta amniga xoogga saaraan, inay dedejiyaan nidaamka hay’adaha sharci dejinta, inay hagaajiyaan wada shaqaynta maamul goboleedyada in la dhowro xuquuqda dumarka, in banaanka la keeno dhibaatada musuqmaasuqa iyo dadka samaynaya. Markaa warmurtiyeedka shirka ka soo baxay waa su’aalo la soo weydiiyey dawladda Soomaaliya, waana isla intii lagu weydiiyey shirkii London”, Sidaa waxaa yiri Maxamed Caalin oo falanqeeya arrimaha Soomaaliya, kana mid ahaa dadkii shirka ka qayb galay.

Arrimaha ay la yaabeen dadkii shirka la socday waxaa ka mid ahaa in madaxda Soomaalidu aysan la tegin wax qorshe ah oo la taaban karo, marka laga reebo warbixinno ay siinayeen deeq bixiyeyaasha.

“Shir noocaas ah inuu dalka dibaddiisa ka dhaco khalad ayey ahayd, hadduu ka dhacaayana waxay ahayd inuu ka dhaco dal Soomaaliya saaxib la ah. Maamul goboleedyadana iimaan kuma qabaan oo markii dibadda la isugu tago hal qorshe oo Soomaalida ay wadato ma laha. Soomaalida qudheedana caqabadda haysata waa iyaga oo aan heshiis ahayn oo aysan jirin cid go’aanka looga dambeeyo” Sidaa waxaa yiri Dr Ibraahim faarax Bursaliid oo ka faallooda arrimaha gobolka.

Sidaasoo ay tahay waxaa shirka lagu kordhiyey Soomaaliya 200 oo Malyan oo Doollar oo dheeraad ah mashaariicda midowga Yurub uu ka wado Soomaaliya, laakinse lacagtaas ma aha sida la sheegayo mid geli doonta gacanta dawladda Soomaaliya. Waxaa loo soo marin doonaa Qaramada Midoobay.

“Mushaaraadka shaqaalaha dawladda iyo kan ciidanka ayaa toos ugu soo dhici doona akoonka dawladda” ayuu yiri Caalin oo intaa ku daray in dhaqaalaha mashaariicda horumarinta loogu talay iyagana la soo marin doono NGO-yo reer Yurub ah.

Laakin Dr Bursaliid ayaa qaba feker ah in deeq bixiyeyaashu ay marka horeba abuurayaan qaab ay hay’adahooda NGO-yada ah ku hawlgalaan ee aysan si dhab ah ugu danaynayn in mashaariic horumarineed laga fuliyo Soomaaliya.

Arrimaha aan lagala gabban ee la hordhigay madaxda Soomaalida waxaa ka mid ah in “aysan wakhti dheereysi ku fekerin”, oo doorashooyinkana “la qabto xilligii loogu tala galay”.

Gunaanadkii shirka waxaa ka soo baxay warmurtiyeed ka koobnaa 81 qodob, kaasoo markiisii horeba uu suuqa ku sii jiray mid u dhow oo la sii qoray shirka oo aan la isugu imaan ka hor. Qodobbada qaarkood ayaa u muuqday kuwo wax laga beddelay, ama la kala hor mariyey.

“Tan iyo markii la bilaabay nidaamka geeddi socodka siyaasadda Soomaliya (Roadmap) xilligii dawladdii Sheekh Shariif ilaa maanta beesha caalamka waxay waddaa isla farriimihii ay soo siinaysay Soomaalida, Soomaaliduna isla ka go’naantii ayey muujinayaan, arrintuna halkeedii ayey taagan tahay waana Shimbirayahow heesa, ilaa la helo xukuumad Soomaaliyeed oo ay ka go’an tahay horumarinta dalka, iyo ka go’naan Soomaalida dhinaceeda laga helo oo ay siyaasad ahaan ka heshiiyaanna, waddo iyo wadiiqo kale oo loo baxayo iima muuqato” ayuu mar kale yiri Dr Bursaliid.

Shirkan oo ah mid sannadle ah, ayaa kan la qaban doono sannadka dambe waxaa ka soo horrayn doona mid kale oo dabayaaqada sannadkan ama horraanta sannadka soosocda dhici doona.

Facebook Comments Box

Xafiiska Falanqeynta ee Diblomaasi.com waa xafiiska u qaabilsan dabagalka wararka, baarista qotoda dheer, xaqiiqo raadin, iyo ka warbixinta arrimaha danta guud, soo bandhigida xogta qarsoon ama daahsoon sida musuq maasuqa ama arrimo laga yaabo in aan si kale loo ogaan. Xafiiska Falanqeynta ee Diblomaasi.com wuxuu door muhiim ah ka ciyaaraa la xisaabtanka dawladda, ganacsatada iyo shakhsiyaadka iyaga oo xafiiskan soo bandhigaya sheekooyin muhiim ah oo saamayn ku yeelan kara bulshada. Ujeedada waa abuurista xaddaarad cusub.

Advertisement
Click to comment

Leave a Reply

Your email address will not be published. Required fields are marked *

Wararka

Qaramada Midoobay ayaa uga digtay Britain in muhaajiriinta loo tarxiilo Ruwaanda

Hindise sharciyeedka u baahan in maxkamadaha ay iska indhatiraan cadeymaha ayna ku dhawaaqaan in Ruwaanda uu yahay mid ammaan u ah qaxootiga waa sharci darro, madaxa xuquuqda aadanaha ee Qaramada Midoobay ayaa yiri.

Published

on


Sharci qabyo ah oo cusub oo ay soo saartay dowladda Ingiriiska ayaa Ruwaanda ku sheegtay in ay tahay dal nabdoon oo dib u dajin loogu sameeyo dadka magangalyo doonka ah ee ka imaanaya UK, waxa ay xadgudub ku tahay mabaadi’da sharciga, sida uu ka digay madaxa Qaramada Midoobay u qaabilsan xuquuqul insaanka Volker Turk.

Bayaan uu soo saaray Isniintii, Turk wuxuu ku sheegay in sharciga Badbaadada Ruwaanda, kaasoo sababay kala qeybsanaan baarlamaanka UK, uu xaddidayo awoodda go’aan-gaarayaasha, oo ay ku jiraan maxkamadaha, si ay u baaraan kiisaska masaafurinta, taasoo halis u ah “Dharbaaxo culus oo ku wajahan xuquuqda aadanaha.”

Sharciga la soo jeediyay ayaa la soo bandhigay bishii Diseembar ka dib markii Britain ay heshiis cusub la saxiixatay Kigali, iyada oo doonaysa in ay wax ka qabato xukunka maxkamadda sare ee UK ee ah in ra’iisul wasaare Rishi Sunak qorshihiisa bilowga ah, ee ah in muhaajiriinta qaarkood loo diro duulimaad hal-jid ah oo ku socda Ruwaanda, uu ahaa sharci darro. Maxkamaddu waxay ku dhawaaqday in waddanka Bariga Afrika uu yahay mid aan badbaado u lahayn qaxootiga, iyadoo xannibaysa duulimaadyadii dalka, iyadoon loo eegin in Britain ay siiso ugu yaraan £240 milyan ($ 305 milyan) Kigali sida uu dhigayo heshiiskii muranka dhaliyay ee la saxiixay Abriil 2022.

Sharci qabyo ah oo cusub ayaa u baahan wasiirradu inay iska indhatiraan amarada degdegga ah ee Maxkamadda Xuquuqda Aadanaha ee Yurub ee ah inay si ku meel gaar ah u joojiyaan duulimaadyada Ruwaanda inta lagu guda jiro dhageysiga rafcaannada shakhsiyaadka ka dhanka ah masaafurinta. Si kastaba ha ahaatee, mudanayaasha xisbiga Conservative-ka ayaa ku baaqay in wax laga beddelo si meesha looga saaro sharciyada ka soo horjeeda in si degdeg ah looga saaro muhaajiriinta sharci-darrada ah ee ka tallaabaya kanaalka Ingiriiska.

Si kastaba ha ahaatee, Turkiga ayaa ku adkeystay in “dowladihiisu aysan sharciyad ugala noqon karin xuquuqdooda caalamiga ah ee xuquuqda aadanaha iyo waajibaadka magangalyada.”

Waa in maxkamadaha ay go’aan ka gaaraan haddii tillaabooyinka ay qaaday dowladdu tan iyo markii ay maxkamadda sare xukuntay khataraha Ruwaanda ay ku filan yihiin,” ayuu yiri madaxa xuquuqda aadanaha ee Qaramada Midoobay.

“Ma sharci dejin kartid xaqiiqda jirta,” Turk ayaa yiri.

Toddobaadkii hore, guddiga baarlamaanka UK ee xuquuqul insaanka, oo loo xilsaaray inay dib u eegis ku sameeyaan hindise sharciyeedka, ayaa daabacay warbixin uga digaysa xukuumadda Sunak inaysan u tarxiilin soogalootiga aan sharciga lahayn ee Ruwaanda. Kooxdu waxay ku dhawaaqday qorshaha London mid sharci darro ah, iyagoo leh “wuxuu halis gelinayaa sumcadda Boqortooyada Midowday ee xuquuqda aadanaha ee caalamiga ah.” Aqalka sare ee baarlamaanka ayaa horay u ansixiyay mooshin baarlamaanka looga dalbanayay in uusan ansixin.

Home Office-ka ayaa qorshaha Ruwaanda ku tilmaamay mid geesinimo leh oo hal abuur leh oo lagu joojinayo doonyaha muhaajiriinta sharci darrada ah ee u gudbaya Britain iyagoo isticmaalaya kanaalka Ingiriiska. Raiisel wasaare Sunak ayaa sheegay in dowladiisa ay bilaabi doonto in ay u dirto dadka soogalootiga ah ee ku nool qaaradda Afrika ka hor doorashada soo socota ee UK.

Xoghayaha arrimaha gudaha James Cleverly ayaa bishii hore sheegay in in ka badan 30,000 oo magangalyo doon ah ay dammaanad ku jiraan ayna wajihi doonaan in laga saaro UK loona wareejiyo dalka aan badda lahayn.

Facebook Comments Box

Continue Reading

Wararka

Muxuu salka ku hayaa heshiiska amni ee ay ansixiyeen Golaha wasiirada Soomaaliya?

Golaha Wasiirrada ee Soomaaliya ayaa shir ay maanta oo Arbaca ah ay yeesheen heshiiskan ku ansixiyey. Wax yar kadibna waxaa heshiiska ansixiyey xubnaha baarlamaanka Soomaaliya.

Published

on

Xafiiska Ra'isul wasaaraha

Golayaasha fulinta iyo sharcidejinta ee Soomaaliya ayaa maanta ansixiyey heshiis muhiim ah oo horraantii bishan Soomaaliya la gashay dawladda Turkiga.

Heshiiskan ayaa lagu magacaabaa “Heshiiska Iskaashiga Difaaca iyo Dhaqaalaha,” waxaana 8-dii bisha lagu saxiixay magaaladda Ankarada ee dalka Turkiga. Heshiiskan oo ay ku jiraan iskaashiga ka dhanka ah argagixisada, ayaa ku soo beegmaya iyadoo Geeska Afrika ay ka taagan tahay xiisad ka dhalatay heshiiskii Itoobiya iyo maamulka goonida isu taagay ee Somaliland ay weli cirka isku sii shareerayso.

Wasiirada Gaashaandhigga ee Türkiye iyo dhigiisa Soomaaliya ayaa kala saxiixday heshiis dhinaca gaashaandhigga iyo dhaqaalaha, kaasi oo lagu sii horumarinayo xiriirka laba geesoodka ah ee ka dhaxeeya labada wadddan iyo degenaanshiyaha gobolka.

Sida ay baahisay warbaahinta dowladda Turkiga, Yasar Guler, wasiirka Gaashandhigga ee Turkiga ayaa magaalada Ankara ku soo dhaweeyay dhigiisa Soomaaliya Cabdulqaadir Maxamed Nuur. Labada mas’uul ayaa munaasabad ka dhacday saldhig militari ku kala saxiixday heshiiskan Khamiistii shalay, kadib wadahadallo ay ka yeesheen xaladda gobolka Geeska Africa. Faah-faahin dheeri ah lagama bixin heshiiska, iyo waxa uu kaga duwan yahay iskaashigii military ee dhaqaale ee horey uga dhaxeeyay Soomaaliya iyo Turkiga.

“Soomaaliya, waa saaxib muhiim u ah Turkiga, gaar ahaan danahiisa Afrika, Waxaan yeelanay kullamo wax tar leh oo ku dhacay jawi wanaagsan. Waxay ahaayeen wadahadallo sii xoojinaya xiriirka labada waddan. Waxaan xoogga saarnay ahmiyadda ay leedahay ilaalinta midnimada iyo madaxbanaanida dhuleed ee Soomaaliya,” ayuu ku yiri qoraal uu soo saaray Yasar Guler, wasiirka Gaashandhigga ee Turkiga.

Yasar Guler, waxa uu sheegay in Soomaaliya ay guul ka gaartay dhismaha ciidamada Kumaandoosta ah ee Gorgor – ee Turkigu tababarro. Ciidamadaas ayuu ku tilmaamay kuwo u badan dhallinyaro waddaniyiin ah oo tusaale u noqon kara Qaaradda Afrika.

Golaha Wasiirrada ee Soomaaliya ayaa shir ay maanta oo Arbaca ah ay yeesheen heshiiskan ku ansixiyey. Wax yar kadibna waxaa heshiiska ansixiyey xubnaha baarlamaanka Soomaaliya.

Telefiishanka dawladda Soomaaliya ayaa sheegay inay heshiiskaas anisixyeen 213 mudane, halka 3 mudane ay diideen.

Madaxeynaha Soomaaliya Xasan Sheekh Maxamuud (4.5), oo ka hadlay xiriirka iyo heshiiska Turkiga, ayaa ammaanay taageerada uu Turkigu u fidiyey Soomaaliya.Waxa uu sheegay in Turkigu uu Soomaaliya ka caawiyey dhinaca arirmaha bani’aadannimada, la-dagaalanka argagixisada iyo taageerada dhinaca dhaqaalaha sida kabka miisaniyadda.

Waxa uu sheegay in badda Soomaaliya ay muddo ah la kulmaysay kalluumaysi sharc-darro ah, iyo in lagu shubo agab wasakhaysan, hase yeeshee hadda ka hor aysan helin Soomaaliya cid ka kaalmaysa.

Madaxweynaha oo muujinaayo dabacsanaan diblomaasiyeed ee dhanka Itoobiya ayaa waxa uu sheegay in sababta Soomaaliya kaalmada u weydiisatay Turkiga aysan ahayn in Itoobiya lala dagaalamo ama lagu duulo. Ujeeddadu waxa weeye ayuu yiri, waa in na lagu kaalmeeyo baddeena sidii aan u difaaci lahayn.

“Waa heshiis difaac iyo horumarin dhaqaale oo isla socda,” ayuu yiri madaxweynaha aan shacabkiisa soo dooranin kaasoo lagu soo doortay nidaamka 4.5. “Hadafka ugu dambeeya waa inaan yeelano ciidan bad oo baddeena difaaci kara,” ayuu intaas ku daray.

Sidoo kale, Ra’iisul Wasaaraha Soomaaliya Xamza Cabdi Barre, oo hadlayey kadib ansixintii heshiiskan, ayaa ku tilmaamay inuu yahay mid masiiri ah oo dhaxal gal ah. Ra’iisul Wasaaraha ayaa sheegay in heshiiskan uu dhigayo in Turkigu ay dhisaan, tababaraan, islamarkaana qalabeeyaan ciidamada badda ee Soomaaliya.

Heshiiska ayaa sidoo kale xoojinaya wax soo saarka khayraadka badda, sida uu sheegay Ra’iisul Wasaaruhu. Waxa uu sheegay Ra’iisul Wasaare Xamza in heshiiskan uu meesha ka saarayo wixii cabsi ah ee dhinaca argagixisada, burcad badeedda, kalluumaysiga sharcidarrada, ku shubista sunta iyo xadgudubyada iyo halista dibedda ah ee ku iman lahaaa badda Soomaaliya.

Ra’iisul Wasaaraha ayaa ku tilmaamay Turkiga walaal dhab ah oo la isku hallayn karo, sida uu hadalka u dhigay.

Heshiiskan ayaa imanaya xilli xiisad ay u dhaxayso dawladaha Itoobiya iyo Soomaaliya, taasi oo ka soo bilaabatay is-afgaradkii ay bishii hore wada gaareen Itoobiya iyo maamulka Somaliland.

Xiriirka Soomaaliya iyo Turkiga ayaa sii xoogeysanayay tan you markii madaxweynaha Turkiga Recep Tayyip Erdogan uu booqday Soomaaliya, oo xilligaas ay abaar ba’an ka jirtay sanadkii 2011-kii. Heshiiskan milatari ee ay kala saxiixdeen Soomaaliya iyo Turkiga ayaa ku soo beegmaya xilli uu muran ka dhaxeeyo Soomaliya iyo Ethiopia. Kaasi oo ka dhashay heshiis is-afgarad ah oo ay Ethiopia la saxiixatay Somaliland billowgii bishii January ee sannadkan. Heshiiska qaab dhismeedka difaaca iyo iskaashiga dhaqaalaha ayaa waxaa wada saxiixday wasiirka gaashaandhigga Turkiga Yasar Guler iyo dhiggiisa Soomaaliya Cabdulqaadir Maxamed Nuur oo booqasho rasmi ah ku tagay magaalada Ankara.

Facebook Comments Box

Continue Reading

Wararka

83 Falastiiniyiin ah ayaa lagu dilay Qaza 24-kii saac ee la soo dhaafay, tirada dhimashaduna waxay kor u dhaaftay 28,858

Tirada dhimashada ee Falastiniyiinta waxay kor u dhaaftay 28,858, halka 68,677 ay ku dhaawacmeen weerarrada Israa’iil tan iyo 7-dii Oktoobar, ayay tiri wasaaradda caafimaadka ee Qaza.

Published

on


Ugu yaraan 83 falastiiniyiin ah ayaa la dilay 125 kalena waa lagu dhaawacay 24-kii saac ee la soo dhaafay iyadoo Israa’iil ay sii waddo duqeymaha ay ku heyso marinka Qaza ee go’doonsan, sida ay sheegtay wasaaradda caafimaadka ee Falastiin sabtidii.

“Gumeysiga Israa’iil waxa uu sagaal xasuuq u geystay qoysas ku noolaa Marinka Qaza, waxaana 24-kii saac ee la soo dhaafay ku dhintay 83 shahiid, 125 kalena waa lagu dhaawacay,” ayaa lagu yiri warbixin ay wasaaraddu soo saartay.

“Dad badan ayaa weli ku xayiran burburka iyo waddooyinka, iyadoo samatabbixintu aysan awoodin inay gaaraan,” ayaa lagu daray qoraalka.

Iyaga oo jabinaya xukun ku meel gaar ah oo ay soo saartay Maxkamadda Caalamiga ah ee Caddaaladda bishii hore, Israa’iil waxay sii wadaa duullaanka ay ku hayso Marinka Qaza, halkaas oo ugu yaraan 28,858 falastiiniyiin ah lagu dilay, oo u badan dumar iyo carruur, iyo 68,677 lagu dhaawacay tan iyo 7-dii Oktoobar, sida laga soo xigtay maamulka caafimaadka Falastiiniyiinta. .

Israa’iil ayaa duqeysay marinka Qaza tan iyo markii ay soohdinta ka gudbeen Xamaas, oo Tel Aviv ay sheegtay in ay ku dhinteen ku dhawaad 1,200 oo qof.

Dagaalka Israa’iil ee Qaza ayaa 85% dadka dhulkaas ku nool ku riixay barakac gudaha ah iyada oo ay jirto cunto yari ba’an oo cunto, biyo nadiif ah iyo dawooyin ah, halka 60% kaabayaashii deegaanka ay waxyeelo soo gaadhay ama la burburiyey, sida ay sheegtay Qaramada Midoobay.

Maxkamadda caalamiga ah ee cadaaladda ayaa Israa’iil lagu eedeeyay xasuuq. Go’aan ku meel gaar ah oo dhacay bishii Janaayo ayaa lagu amray Tel Aviv inay joojiso falalka xasuuqa ah ayna qaado tillaabooyin lagu dammaanad qaadayo in gargaarka bini’aadantinimo la siiyo dadka rayidka ah ee Qaza.

Go’aanka maxkamadda

Maxkamaddu waxay ku caddaysay xukunkii jimcaha ee ahaa in maxkamaddu ay wali dhageysan doonto dacwadda xasuuqa, halkii ay meesha ka saari lahayd sida ay Israa’iil codsatay. Go’aanka Jimcihii ayaa muujinaya in maxkamaddu ay rumeysan tahay in Israa’iil aysan sameynin wax ku filan si ay uga hortagto xasuuqa ka dhanka ah dadka reer Falastiin, sidoo kalena aysan ku filneyn ciqaabta kicinta xasuuqa.

Sidaas oo ay tahay, go’aanka maxkamadda ayaa muujinaya in maxkamadda u aragto in ay suurtagal tahay in uu dhaco xasuuq.

Lixda tillaabo ee ICJ ay soo saartay waa kuwo si sharci ah loo fulinayo, taasoo la macno ah in marka la eego waajibaadkeeda heshiis ee hoos yimaada Axdiga Xasuuqa ee 1948, Israa’iil waa in ay wax badan ka qabataa ilaalinta rayidka Falastiiniyiinta iyo ka hortagga xasuuqa. Waxaa jiri doona wax yar, haddii ay jirto, cawaaqib haddii ay iska indhatirto xukunka – sida Wasiirka Amniga Qaranka Itamar Ben-Gvir uu u soo jeediyay Israa’iil – sababtoo ah habka fulinta ee amarrada maxkamadda ayaa ah golaha ammaanka ee Qaramada Midoobay ee siyaasadda caanka ah, kaas oo Maraykanka, oo ah kan ugu xoogga badan Israa’iil, xulafadaasina waxay leeyihiin diidmo joogta ah.

Marka la soo koobo, xukunka jimcaha maahan guul cad oo labada dhinac ah – laakiin waxay soo jeedinaysaa in sheegashada Koonfur Afrika ay tahay mid macquul ah. Inkasta oo wax yar ay u badan tahay in ay isbeddel ku sameeyaan mustaqbalka dhow, go’aanka maxkamadda ayaa dib u soo celiyay doodda ku saabsan meesha sharciga caalamiga ah ee iskahorimaadka iyo iyadoo soo rogtay qaar ka mid ah xuduudaha Israa’iil ee eedeeynta dagaalka.

Ra’iisul wasaaraha Israa’iil Benjamin Netanyahu ayaa fariin muuqaal ah kaga jawaabay go’aanka ku meel gaarka ah, qeybta English-ka ayaa ku sheegay in Israa’iil ay xaq u leedahay inay is difaacdo, wuxuuna codsiga Koonfur Afrika ee xabbad joojinta ku tilmaamay mid “wax xun” iyo “faquuq qaawan oo ka dhan ah dowladda Yuhuudda” isagoo ku adkaysanaya in “go’aanka Israa’iil ee sharciga caalamiga ah uu yahay mid aan leexleexad lahayn” iyo in ay sii wadi doonto fududaynta gargaarka bini’aadantinimo ee Qaza.

Koonfur Afrika ayaa soo jeedisay in sida ugu wanaagsan ee Israa’iil ay ugu hogaansanto maxkamadda ay tahay in ay joojiso howlgalkeeda Qaza. “Waxaan aaminsanahay in fulinta amarka, ay tahay in ay dhacdo xabbad joojin,” Wasiirka arrimaha dibadda ee Koonfur Afrika Naledi Pandor ayaa yiri intii lagu jiray shir jaraa’id ka dib ku dhawaaqista maxkamadda.

Facebook Comments Box

Continue Reading

Wararka

Kaliya Mareykanka ayaa qasab ku keeni kara nabadda Bariga Dhexe waana inuu cadaadiyaa Israa’iil, ayuu yirri Wasiirka arrimaha dibadda ee Lubnaan

Cabdallah Bou Xabib oo u waramayay warbaahinta asigoo kasoo qayb galay shirka amniga ee Munich ayaa waxa uu carabka ku adkeeyay in samaynta dariiq nabadeed ay tahay lama huraan, isla markaana ay Washington ku jirto meel ay ku hogaamin karto.

Published

on

Cabdallahi Bou Habib oo ah wasiirka arrimaha dibedda ee Lubnaan

Wasiirka arrimaha dibadda ee Lubnaan ayaa ugu baaqay Mareykanka inuu cadaadis saaro Israa’iil oo uu soo afjaro dagaalka dhiigga badan ku daatay ee ay kula jirto kooxda Falastiiniyiinta ee Xamaas, kaasoo hadda galay bishii shanaad.

Cabdallah Bou Xabib oo u waramayay warbaahinta asigoo kasoo qayb galay shirka amniga ee Munich ayaa waxa uu carabka ku adkeeyay in samaynta dariiq nabadeed ay tahay lama huraan, isla markaana ay Washington ku jirto meel ay ku hogaamin karto.

Cabdallah Bou Habib oo ah wasiirka arrimaha dibedda ee Lubnaan, sidoo kale waa dhaqaaleyahan Lubnaani ah, qoraa, iyo diblomaasi ayaa sheegay in uu taageersan yahay mowqifyada qaar ka mid ah dalalka Yurub ee joojiyay hubkii ay u diri jireen Israa’iil, wuxuuna sheegay in uu dareemayo in Maraykanku uu joojiyo hubaynta Israa’iil sidoo kale.

Washington ayaa weli ah taageeraha shisheeye ee aasaasiga ah ee Israa’iil, iyada oo u dirta qiyaastii $ 4 bilyan sannadkii oo gargaar milatari ah, taas oo ka dhigan qiyaastii 16% miisaaniyadda difaaca Israa’iil.

“Waxaan rabnaa nabad, waxaan u maleynayaa in Falastiiniyiintu ay diyaar u yihiin nabada, Maraykankuna waa waa dalka kaliya ee awood u yeelan kara nabad inuu ka dhaliyo gobolka,” Bou Habib ayaa u sheegay warbaahinta. “Laakiin waa inay xoogaa cadaadis ku saaraan Israa’iil sidii wixii dhacay 70-meeyadii, Kissinger wuxuu joogay halkaas, wuxuuna cadaadis saaray Israa’iil inay nabadda qaadato.”

Wasiirku waxa uu tixraacayay xoghayihii hore ee arrimaha dibadda ee Maraykanka Henry Kissinger 1973-kii oo uu sameeyay dadaalkii diblomaasiyadeed, xilligaasi oo uu socday waxa loogu yeero dagaalkii Yom Kippur ee u dhaxeeyay Israa’iil iyo isbaheysiga dowladaha Carabta. Ka dib lix safar oo dabaylo wadata oo uu ku tagay gobolka, Kissinger waxa uu ku guulaystay in uu ku cadaadiyo Israa’iil in ay ka baxdo dhul ka mid ah dhulka Carabta ee ay qabsatay, iyada oo ay labada dhinacba ka dhigan tahay in ay kala goynayaan milatariga iyo waliba xaaladda ammaanka Israa’iil.

Bou Xabib ayaa sheegay in uu taageersan yahay mowqifyada qaar ka mid ah dalalka Yurub ee joojiyay hubkii ay u diri jireen Israa’iil, wuxuuna sheegay in uu dareemayo in Mareykanka uu sidoo kale joojiyo hubeynta dalkaas.

Washington ayaa weli ah taageeraha shisheeye ee aasaasiga ah ee Israa’iil, iyada oo u direysa qiyaastii $ 4 bilyan sannadkii oo gargaar milatari ah, taas oo ka kooban 16% miisaaniyadda difaaca Israa’iil, sida laga soo xigtay Adeegga Cilmi-baarista Kongareeska. Sida laga soo xigtay Wakaaladda Horumarinta Caalamiga ah ee Maraykanka, Washington waxay siisay Israa’iil $318 bilyan oo gargaar milatari iyo dhaqaale ah tan iyo 1951, oo lagu hagaajiyay sicir bararka.

Sharciyadii u dambeeyay ee Kongress-ka Mareykanka ayaa loo qoondeeyay tobanaan bilyan oo kale oo gargaar militari ah tan iyo weerarkii argagixisanimo ee Xamaas ee Oktoobar 7 oo ay ku dhinteen ku dhawaad 1,200 oo qof. Weerarkii xigay ee Israa’iil ee ka dhanka ahaa marinka Qaza iyo ololaha duqeymaha aan kala joogsiga lahayn ayaa dilay in ka badan 28,000 oo qof oo ku sugnaa dhulka go’doomiyay, sida ay sheegeen mas’uuliyiinta caafimaadka ee Xamaas ay maamusho.

Haddii Maraykanku aanu door muuqda ka ciyaari karin joojinta colaadaha, “ka dibna dagaalku wuu sii socon doonaa,” ayuu yidhi Bou Habib. “Waa Maraykanka kan awood u leh inuu si dhab ah u qasbo nabadda gobolka.”

Facebook Comments Box

Continue Reading

Wararka

“Haddii aad nabad rabto, u diyaargarow dagaal,” – RW Kyriakos Mitsotakis

“Haddii aad nabad rabto, u diyaargarow dagaal,” Ra’isul Wasaare Kyriakos Mitsotakis ayaa yiri intii lagu jiray Shirkii Amniga ee Munich.

Published

on

Ra’isul Wasaaraha Giriiga Kyriakos Mitsotakis

Ra’iisul wasaaraha Giriiga Kyriakos Mitsotakis ayaa Jimcihii sheegay in Yurub ay tahay inay kharash badan ku bixiso wajahida caqabadaha istiraatiijiga ah.

Isagoo ka hadlayay dood ku saabsan Lacagta Isbeddelka: Siyaasadda Adduunka ee Miisaaniyadda inta lagu guda jiray Shirka Amniga Munich, Mitsotakis wuxuu yiri “Haddii aad rabto nabad, u diyaargarow dagaal.”

“Dhammaanteen waxaan u baahanahay inaan wax badan ku bixinno difaaca, laakiin sidoo kale waa inaan ku caqli badnaannaa qoondeynta kheyraadka, xilliga dulsaarka sare, cadaadiska miisaaniyada, iyo kharashaadka dheeriga ah kadib masiibada,” ayuu xusay.

Shirka Amniga Munich 2024 wuxuu soconayaa Febraayo 16 ilaa 18, 2024, wuxuuna ka dhacayaa Hotel Bayerischer Hof ee magaaladda Munich. Shirka Amniga Munich 2024 waxaa loogu hadlayaa fursadaha gaar ah oo ku saabsan caqabadaha amniga ugu daran ee adduunka. Intaa waxa dheer, Shirka Amniga Munich oo la aasaasay dayrtii 1963, waxa ay u dabbaal degi doontaa sannad-guuradii 60-aad ilaa iyo inta lagu jiro shirka weyn ee xiga.

Arrinta ku saabsan dagaalka Ukrayn, ra’iisul wasaaraha ayaa sheegay inuu yahay dagaal ka dhacay wadnaha Yurub, oo u muuqday mid aan la qiyaasi karin afar ama shan sano ka hor, hadda wuxuu qeexayaa xaqiiqooyin cusub.

Marka laga hadlayo kharashka sare ee difaaca Giriigga, wuxuu ku dooday in “Giriiggu waligiis ma yeelan qayb nabadeed. Waxaan si joogto ah ula kulannaa hanjabaado juqraafiyeed oo deriskeena ah, xitaa waqtiyada adag, in ka badan 2% ee GDP ayaanu ku bixinay difaaca.

Waxaa loogu magac daray shirka “Davos of Defence,” Shirka Amniga Munich waxaa lagu qiyaasay inay kasoo qeyb galeen 60 madax dowladeed iyo in ka badan 85 sarkaal dowladeed si ay uga wada hadlaan arrimaha ammaanka adduunka ee hadda iyo mustaqbalka.

Xiisadaha sii kordhaya ee Indo-Pacific, ballaarinta NATO, iyo soo noqoshada suurtagalka ah ee Donald Trump ee Aqalka Cad ayaa sidoo kale la filayaa inay noqdaan doodda shirka.

Xubin ka tirsan ciidamada qalabka sida ee Jarmalka oo u dhow goobta uu ka dhacayo shirka amniga ee Munich ee magaalada Munich, Jarmalka, Khamiista, Febraayo. 15, 2024. Bloomberg | Sawirada Getty

Doorashada madaxweynenimada Mareykanka ee ku saabsan hadalkii Donald Trump ayaa si weyn u soo jiidatay mawduuca shirka ka dib markii uu sheegay isbuucii hore inuu ku dhiirigelin lahaa Ruushka inuu ku sameeyo “wax kasta ay ku cadaabi karaan oo ay rabaan inay sameyn karaan” xubnaha NATO ee ku guuldareysta inay iska bixin waayaan qidmada 2% ee kharashka difaaca.

Si kastaba ha ahaatee, taageerada Trump ee Kremlin-ka ayaa u muuqatay mid diidmo ah Arbacadii markii madaxweynaha Ruushka Vladimir Putin uu sheegay inuu doorbidi lahaa “in Donald Trump la doorto uuna ka doorbidi lahaa madaxweyne Joe Biden” inuu ku guuleysto doorashada 2024 ee Maraykanka.

Dhanka kale, Xoghayaha Arrimaha Dibedda ee Maraykanka, Anthony Blinken, Wasiirka Arrimaha Dibedda ee Shiinaha Wang Yi, Hoggaamiyaha Jarmalka Olaf Scholz iyo Madaxweyne ku-xigeenka Maraykanka, Kamala Harris ayaa ka mid ah shakhsiyaadka kale ee ugu waaweyn siyaasadda ee ka qaybgalaya shirka.

Sidaasi darteed, waxaa la xoojiyay ammaanka guud ahaan magaalada, iyadoo 5,000 oo askari oo dheeraad ah la geeyay si ay u daboosho munaasabadda iyo in baabuurta xoojiyo oo lagu arkayo inta badan waddooyinka waaweyn.

Wadooyinka ayaa la xiray, waxaana la xiray qeybo ka mid ah hawada deegaanka iyadoo qabanqaabiyeyaasha ay isu diyaarinayaan khataro badan oo dhanka ammaanka ah iyo dhibaato ay dadweynuhu ku keeni karaan munaasabadda.

Ugu yaraan 20 mudaaharaad ayaa la filayaa, iyadoo mudaaharaadyo kale laga yaabo inay dhacaan dhammaadka usbuuca. Boqolaal mudaaharaadayaal ah ayaa la filayaa Jimcaha maanta bannaanka goobta ugu weyn ee Hotel Bayerischer Hof, si ay u muujiyaan xadgudubyada ka dhanka ah xuquuqda aadanaha ee Mareykanka iyo xulafadiisa Yurub ee ay ku taageerayaan Israa’iil xasuuqa ay ka wado Qaza.

 

Facebook Comments Box

Continue Reading
Advertisement
Akhri21 hours ago

Nin akhriyay in ka badan 4,000 oo buug asigoo ku dhex jira maktabadiisa

Sirdoonka & Militariga3 days ago

Ciidamada Taageerada Degdegga ah ee Suudaan ma waxay askareysaa caruurta si ay uga dagaalamaan?

Afrika3 days ago

Dhowr dhimasho ah oo ka dhacay Chad kadib weerar lagu qaaday hay’adda amniga

Afrika4 days ago

Dhinacyada ku dagaallamaya Suudaan ayaa gaysta xad-gudubyo ay ka mid yihiin duqaymo ay ku hayaan dad rayid ah – Warbixinta Qaramada Midoobay

Siyaasadda Soomaaliweyn5 days ago

Shir Logu hadlaayay horumarinta Arrimaha Garsoorka: Waa sidee Xaalka Caddaaladda iyo Garsoorka Soomaaliya?

Siyaasadda Arrimaha Dibadda6 days ago

Xiriirka Turkiga iyo Soomaaliya

Siyaasadda Arrimaha Dibadda6 days ago

Heshiis dastuurka Soomaaliya quseeya oo ay wada galeen Qadar iyo Soomaaliya

Geeska Afrika1 week ago

Damaca weyn ee Itoobiya ayaa khalkhal gelin doona Geeska Afrika – Ficil gurracan oo fashilmay

Afrika1 week ago

Maxay tahay sababta Masar iyo Turkiga ay u soo afjarayaan xiisadda tobanka sano socotay?

Afrika1 week ago

Rabshadaha dhimashada dhaliyey ee Senegal oo ka dhashay dib u dhigista doorashada: Akhriso qodobada aad u baahan tahay inaad wax ka ogaato

Wararka1 week ago

Qaramada Midoobay ayaa uga digtay Britain in muhaajiriinta loo tarxiilo Ruwaanda

Wararka2 weeks ago

Muxuu salka ku hayaa heshiiska amni ee ay ansixiyeen Golaha wasiirada Soomaaliya?

Afrika2 weeks ago

Dalka Zimbabwe ayaa ku hanjabay inuu mamnuuci doono deeqaha waxbarasho ee khaniisiinta loogu talagalay

Siyaasadda Arrimaha Dibadda2 weeks ago

Xiriirka Masar iyo Soomaaliya

Afrika2 weeks ago

Shirkii midowga Afrika maxaa kasoo baxay? – Afgembi, rabshado iyo qalalaase khatar ku ah Afrika

Wararka2 weeks ago

83 Falastiiniyiin ah ayaa lagu dilay Qaza 24-kii saac ee la soo dhaafay, tirada dhimashaduna waxay kor u dhaaftay 28,858

Sirdoonka & Militariga2 weeks ago

Madaxa Xisbullah Xassan Nasrallah ayaa u ballan qaaday in Israa’iil ‘ay caqabad kala kulmi doonto ‘dilka dadka rayidka ah’

Bariga dhexe2 weeks ago

Weerarkii Israa’iil ee koonfurta Lubnaan ayaa lagu dilay 6 xubnood oo ka tirsan ururka Xisbullah

Siyaasadda Arrimaha Dibadda2 weeks ago

Tegida Madaxweyne Xassan Sh. Maxamuud ee Addis Ababa waa qalad diblomaasiyaddeed

Wararka2 weeks ago

Kaliya Mareykanka ayaa qasab ku keeni kara nabadda Bariga Dhexe waana inuu cadaadiyaa Israa’iil, ayuu yirri Wasiirka arrimaha dibadda ee Lubnaan

Wararka2 weeks ago

“Haddii aad nabad rabto, u diyaargarow dagaal,” – RW Kyriakos Mitsotakis

Wararka2 weeks ago

Sarkaal Kenyan ah oo meydkiisa laga helay hotel ku yaallo Washington

Sirdoonka & Militariga2 weeks ago

Maxaa dan ah ayaa ugu jira Soomaaliya heshiiska is-afgaradka milatari ay kala saxiixatay Mareykanka?

Siyaasadda Arrimaha Dibadda2 weeks ago

Madaxweyne Xassan Sh. Maxamuud (4.5) oo tagaya Itoobiya – Ujeedka waa maxay?

Aasiya3 weeks ago

Muslimiinta Hindiya ayaa ka cabsi qaba mustaqbalka xukunka RW Narendra Modi ee Hinduuga ah

Gumeysi iyo isir sifeyn3 weeks ago

Dagaalka Qaza: Maxkamad ku taallo Nederland ayaa dowladda ku amartay in ay joojiso diyaaradaha dagaalka ee F-35 ee ay gaynayso Israa’iil

Sirdoonka & Militariga3 weeks ago

Muxuu ku saabsan yahay heshiiska difaaca ee Soomaaliya iyo Turkey?

Afrika3 weeks ago

Colaadda Jamhuuriyadda Dimuqraadiga ah ee Koongo laga soo bilaabo 1996

Wararka3 weeks ago

Weerarada fallaagada ayaa kumannaan kun ku qasbay inay ka qaxaan Koongo

Afrika3 weeks ago

Basaasiinta Israa’iil ayaa u hanjabaya qoyskayga – Wasiiradda Arrimaha Dibedda ee Koonfur Afrika

Buuggaag3 weeks ago

Buugga Haddimada Qabyaaladda PDF

Buuggaag4 weeks ago

Buugga Haddimada Qabyaaladda –Qeybtii 26aad

Siyaasadda Soomaaliweyn4 weeks ago

Qowmiyada Oromada oo xalay lagu laayay degmada Beledxaawo ee Gobolka Gedo

Sirdoonka & Militariga4 weeks ago

Maraykanka ayaa ka digaya aargoosi dheeraad ah haddii maleeshiyaadka ay Iran taageerto ay sii wadaan weeraradooda

Wararka4 weeks ago

Ugu yaraan 10 qof ayaa ku dhintay weerar ay kooxo hubeysan ku qaadeen saldhigga booliska Pakistan

Buuggaag4 weeks ago

Buugga Haddimada Qabyaaladda –Qeybtii 25aad

Dhaqan, Af, iyo Taariikhda4 weeks ago

Xasuuqii Ruwaanda ka dhacay, 1994

Wararka4 weeks ago

Saddex qof ayaa ku dhaawacmay weerar mindi oo ka dhacay magaalada Paris

Buuggaag4 weeks ago

Buugga Haddimada Qabyaaladda –Qeybtii 24aad

Afrika4 weeks ago

Ruwaanda oo heshay xabaalo wadareedyo badan 30 sano kadib xasuuqii Tutsiga, 1994

Xul